သံသာစက်၌

သံသာစက်၌

အခန်း (၁)

နိဒါန်း သို့မဟုတ် အပိုင်းအစများ

အပိုင်း (က)

ဒီတခေါက် ခရီးသွားတာ ရက်တော်တော်ကြာသည်။ ကောင်းထက်လင်း ပြန်ရောက်လာတော့ ကြားရသည့် သတင်းတွေထဲမှာအထူးဆန်းဆုံးသတင်းက ၀ဏ္ဏရှိန် တို့ လင်မယားကွဲ သွား ကြပြီဆိုသည့် သတင်းဖြစ်သည်။ လင်မယား နှစ်ယောက်လုံး နှင့် ရင်းနှီးသော အကြောင်း သိ တယောက်အနေဖြင့်ပြောရလျင် ထိုသတင်းလုံးဝ ဖြစ်နိုင်ဘွယ်ရာ မရှိပါ။ သို့သော် တကယ် ဖြစ်နေသည်။

လွန်ခဲ့သော နှစ်လ ကျော်သုံးလလောက်က သူတို့သားလေး နှစ်နှစ်ပြည့် မွေးနေ့လုပ်၍ ကောင်းထက်လင်း ရောက်ခဲ့ သေးသည်။သူများတွေလို လက်ဆောင်မပါဘဲ ခပ်တည်တည် နှင့်သွားစားတာကို ကလေးက သိ သည်ထင်၏။ ချီခိုင်းပြီး သူ့ပေါ်ကမဆင်းတော့။ သူတို့ လင်မယားက တပြုံးပြုံး နှင့်နောက်တခါ ထပ်ပြီးမင်္ဂလာ ဆောင်သလို ဧည့်သည်တွေကို လိုက်ဧည့်ခံနေချိန်မှာ ကောင်းထက်လင်း ကတော့ ကလေးတယောက်နှင့် အ လုပ်ရှုပ်နေခဲ့ရသည်။ ဘာအက်ကြောင်းမှ အရိပ်အယောင်မမြင်ခဲ့ရ။

နောက်ပိုင်းတော့ သူတို့လင်မယားနှင့် မတွေ့ဖြစ်သလောက်ပင်။ဖုန်းတော့ တခါနှစ်ခါ ပြော ဖြစ်သည်။ ထူးထူး ခြားခြား ဘာသံမှ မကြားရ ဘာဖြစ်ကြလေသနည်း။ချက်ချင်း သွားမေး ဖို့ကလည်းချီတုံချတုံဖြစ်နေသည်။ လူရင်း တွေလို့ ဆိုနိုင်သော်လည်း ဒါမျိုးဆိုတာ ဘယ်လိုမေးရမည်ကောင်းထက်လင်း မသိ။ လူနာသတင်းမေးတာမျိုး နှင့်လည်းမတူ။ အရင်ဆုံး ဖုန်း ဆက်ကြည့်ရန်အကြံရပြီး ၀ဏ္ဏရှိန်တို့ အိမ်ကိုဖုန်းဆက်တော့ ဖုန်းကိုင်သူမရှိ။ အလုပ်ချိန်ဖြစ်နေ၍လားမသိပါ။

ညနေရုံးဆင်းတော့မှဖုန်းထပ်ခေါ်မနေတော့ဘဲသူတို့အိမ်ဖက်တခါထဲတန်းထွက်လာခဲ့သည်။ ၀ဏ္ဏရှိန် တော့ ရှိနိုင်သည်။ သူတို့လင်မယားက ၀ဏ္ဏရှိန်၏ မိခင်အိမ်မှာနေတာဆိုတော့ လင်မယားကွဲလျင် ဆွေဇင်က ထွက် သွားရမည့်သဘောရှိ၏။

ဝဏ္ဏရှိန် ကို ကောင်းထက်လင်း ရန်ကုန်ရောက်ပြီး သိပ်မကြာခင်မှာပင်သိကျွမ်းခဲ့သည်။ တရင်းတနှီးတော့ မ ဟုတ်။အဲဒီတုန်းက သူက ကျောင်းတက်နေဆဲရှိသေးသည်။ညီဝမ်းကွဲ တယောက်၏ သူငယ်ချင်း အဖြစ် တ ကြိမ်နှစ်ကြိမ် စကားပြောခဲ့ဖူးသည်။ နောက်တော့ သူတို့ရပ်ကွက်ထဲ ကိုပြောင်းနေဖြစ် သည်။ ပြောင်း လာတုန်း က ၀ဏ္ဏရှိန် ဒီမှာ ရှိမှန်း သိတောင်မသိခဲ့။ ရောက်ခါစ ယောင်လည်လည်နှင့် လဘက်ရည် ဆိုင်မှာ သွားထိုင် သည်။ ဒီဆိုင်မှာ အမြဲထိုင်လေ့ ရှိသော ၀ဏ္ဏရှိန် က ကောင်းထက်လင်း ကိုမြင်ပြီးလာ နုတ်ဆက် စကားပြောရာမှ ပြန်တွေ့ပြီး သူ့သူငယ်ချင်း ရပ်ကွက်ထဲက ချာတိတ်တွေ နှင့်ပါ အပေါင်းအသင်းဖြစ်သွား၏။

သူတို့ ရပ်ကွက်ထဲကို ပြောင်းသွားချိန်မှာ ၀ဏ္ဏရှိန် ကျောင်းပြီးသွားပြီး ဘာလုပ်ရ မှန်းမ သိဖြစ်နေချိန် လည်း ဖြစ် သည်။ နောက်တော့ စကားစပ်မိရာက သူ့ကို ကောင်းထက်လင်း လုပ်နေသော ကုမ္ပဏီမှာ အလုပ်သွင်း ပေး လိုက်သည်။ ဌာန မတူပေမယ့် အလုပ်သွား အလုပ် ပြန် တူတူ သွားကြရင်း အရမ်းရင်း နှီးသွားကြသည်။သူ့ အမေ အန်တီနန်း နှင့်ပါကောင်း ထက် လင်း ရင်းနှီးသွားပြီး သူတို့အိမ်ဝင်ထွက်စားသောက် နေဖြစ်သည်။

ထိုအချိန်က ၀ဏ္ဏရည်းစားက ဆွေဇင်မဟုတ်။ သူနှင့်ကျောင်းနေဖက် ရပ်ကွက်ထဲက ကောင် မလေး တယောက် ဖြစ်သည်။ ကောင်းထက်လင်း နှင့်လည်းခင်ပါသည်။ နောက်တော့ ဘယ် လိုကနေဘယ်လိုဖြစ်သည် မသိပြတ် သွား၏။ဘာကြောင့်လဲဟု မေးသော အခါ ဒီလိုပါပဲ ကိုလင်း ရယ်လို့ သူက မရေမရာ ဖြေသည်။

ကောင်မလေးကလဲ စင်္ကာပူ မှာကျောင်းတက်ဖို့ ထွက်သွားသည်။ ကောင်းထက်လင်း အထင်တော့ နိုင်ငံခြား သွားဖို့ကိစ္စ ကြောင့် သူတို့ ပြတ်ကြတာ ဖြစ်နိုင်သည်။ အမေတခုသားတခု ဆိုတော့ မိခင်ကိုထားပြီး နိုင်ငံခြား သွားအလုပ်လုပ်ဖို့ သူများတွေလို သင်္ဘော လိုက်ဖို့ တွေမစဉ်းစားလို့ ၀ဏ္ဏရှိန်ပြောဖူးသည်။

ကောင်းထက်လင်း နှင့် ၀ဏ္ဏရှိန် အလုပ်တူတူ လေးငါးလ လောက်ပဲလုပ်လိုက်ရပါသည်။ ကောင်းထက်လင်း က နောက်အလုပ်တခု ပြောင်းဖို့ဖြစ်လာ၏။ ၀ဏ္ဏရှိန် ကတော့ ကျန်ခဲ့သည်။

အလုပ်ဆင်းရတာလည်း တလမ်းစီဖြစ်သွားသော အခါ အရင်လိုတူတူ မသွားမပြန်ဖြစ်တော့ ပေမယ့်ညတိုင်း လဘက်ရည် ဆိုင်တူတူထိုင်ဖြစ်ကြသည်။ ၀ဏ္ဏရှိန် တယောက်ထဲ အလုပ် သွားရင်းပြန်ရင်း မှတ်တိုင်မှာကောင် မလေး တယောက်နှင့် မျက်မှန်းတန်းမိသည်။ ထို ကောင် မလေးက ဆွေဇင်လတ် ဖြစ်သည်။စစချင်းတော့ မှတ်တိုင်မှာ ကားစောင့်ရင်း အမှတ်တ မဲ့လိုတွေ့ကြသည်။ နောက်တော့ တမင်စောင့်ကာ တွေ့ကြသည့် အဆင့်ရောက်လာ၏။

ဆွေဇင်နှင့် ချစ်သူတွေဖြစ်သွားကြပြီး နောက် ၀ဏ္ဏရှိန် က ကောင်းထက်လင်း နှင့်မိတ် ဆက်ပေး၏။ဆွေဇင် က ခင်မင်ဖွယ်ကောင်းသော မိန်းမချောလေး တယောက်ဖြစ်သလို ၀ဏ္ဏရှိန် နှင့်လည်းရှေ့သွားနောက်လိုက်ညီ ပါ သည်။

ဝဏ္ဏရှိန် က ကောင်းထက်လင်းကို ဆွေဇင် နှင့် တွေ့ ပေးချိန် မှာ မျက်နှာ ပူစရာ အကြောင်း တခု ဖြစ်ခဲ့သေး၏။ ဆွေဇင်က နားလည်မှု ရှိလို့ သာတော်တော့ သည်။ ဒီလို သာမဟုတ် လျှင် ကောင်းထက်လင်း ရှက်လို့ နေတတ် တော့မည် မဟုတ်။ဆွေဇင် နှင့် ရည်းစားမဖြစ် ခင်ကထဲက ကောင်းထက်လင်း ကို ဆွေဇင် နှင့် တွေ့ ပေးမည် ဟု

ဆိုခဲ့၏။ ကောင်းထက်လင်းက လည်း “နေပါဦး ကွာ သေချာမှ မိတ်ဆက်ပေးပါ၊ တော်ကြာကျရင် မင်းကောင်မ လေး က ငါ့ကို ကြိုက်သွားရင် ဘယ်လို လုပ်မလဲ” ဟု နောက်ဖူးသည်။ ဒါကို ကျေးဇူးရှင် က ဆွေဇင့် ကိုသွားပြော ပြသည်။ သူတို့ ချစ်သူတွေ ဖြစ်ကြပြီးနောက် မိတ်ဆက် ပေးသော အခါ တွင်လည်း မမေ့ မလျော့ ဒီ အကြောင်း ကို ပြန်ဖေါ်၏။ ကောင်းထက်လင်း ရှက်လိုက်သည် မှာ ဆိုဖွယ် မရှိပါ။ဆွေ ဇင် က အပြုံးတ၀က် နှင့် ကောင်း ထက်လင်း ကိုကြည့်ရင်း “ဟုတ်တယ် မောင်ရဲ့ မောင်ကံ ကောင်းသွားတာ၊ ကိုလင်း နဲ့သာ အရင် တွေ့ ရင် မောင့် ကို လှည့်ကြည့် မှာတောင် မဟုတ်ဘူး” ဟု ရယ်စရာ ပြန်လုပ်ပြီး ကောင်းထက်လင်း စိတ်ပြေ အောင် ပြောပေးခဲ့သည်။

ကောင်းထက်လင်း ထက် ငါးနှစ် နီးပါးမျှ ငယ်မည့် ၀ဏ္ဏရှိန် နှင့် ဆွေဇင်က ကောင်းထက်လင်း ကို အကိုအရင်း အချာ ပမာ သဘောထားခဲ့ပါသည်။ ချစ်သူ တို့ သဘာဝ လျှောက်သွား ကြချိန်တွေ မှာတောင် ကောင်းထက် လင်း ကို အတူလိုက်ဖို့ အမြဲခေါ်တတ်ကြသလို ကောင်း ထက် လင်း ကလည်း အမြဲလို ငြင်းနေရသည်။ဆွေဇင့် ကို မြင်ကထဲက အန်တီနန်း စိတ်တိုင်းကျမည့် မိန်းကလေး ဆိုတာ ကောင်းထက်လင်း သိခဲ့သည်။ သူထင်သည့် အတိုင်း အန်တီနန်းက ဆွေဇင့် ကို အလွန်ချစ်သွားခဲ့သည်။ မြန် မြန် လက်ထပ်ကြဖို့ အန်တီနန်းကပင် စပြီးတွန်းအားပေးခဲ့၏။ 

သူတို့ချစ်သူသက်တန်း တနှစ်မပြည့်တပြည့်မှာပင် လက်ထပ်ဖြစ်ကြသည်။ ဆွေဇင်က တခြား မိန်းကလေး တွေ နှင့်မတူ။ ဟိုလိုလက်ထပ်ရမည်။ဒီလိုလုပ်ပေးရမည်ဟု ဘာမှမပြော။ ဖြစ်နိုင် ရင် မင်္ဂလာပွဲ တောင်မလုပ်ချင်ပါ။ ရုံးတက်လက်မှတ်ထိုး ပြီး တရားဝင်အကြင်လင်မယား ဖြစ် လျင်တော်ပါပြီဟု ဆိုလာသောကြောင့် အားလုံး အံ့သြရသည်။ ဆွေဇင်ကရန်ကုန် မှာ ဆွေမျိုး အသိုင်းအ၀ိုင်း မရှိသောကြောင့် သူတို့လက်မှတ်ထိုးသောအခါ ကောင်းထက်လင်းက က ဆွေဇင့်ဖက်ကသက်သေ အဖြစ်လက်မှတ်ထိုးပေးခဲ့ရသည်။

ထို့ကြောင့် ၀ဏ္ဏရှိန် နှင့် ဆွေဇင်လတ် ဇာတ်လမ်းတွင် ကောင်းထက်လည်း ၏ နေရာက အရေးပါ သည်ဟု ဆိုနိုင်သည်။ ခုတော့ သူတို့လမ်းခွဲကြလေပြီ။

အိမ်တံခါးကို ခေါက်လိုက်တော့ ၀ဏ္ဏရှိန် တံခါးလာဖွင့် ပေးသည်။ ဧည့်ခန်းထဲက ဖျာတချပ် ပေါ်မှာ ကလေးငယ် က အိပ်ပျော် နေပြီး အန်တီ နန်းကို တော့ မတွေ့ရပါ။ ကျူရှင် က ပြန် မလာသေးတာဖြစ်နိုင်သည်။

“ဘာဖြစ်ကြတာလဲကွာ”

ခရီးရောက် မဆိုက်ပင် ကောင်းထက်လင်း ပြောလိုက်မိသည်။

“ဒီလိုပါပဲ အကိုရယ်လို့ တော့ မပြောနဲ့ နော်”

ဝဏ္ဏရှိန် ပါးစပ် မဟမှီ ကြို ပိတ်လိုက်တော့ သက်ပြင်းချသည်။

“ကျွန်တော်လည်း ကိုလင်း ကို ပြောပြချင်နေတာတွေ အများကြီးပါ အကိုရယ်၊ ခန နေရင် မေမေ ပြန်လာ တော့မယ်၊ အဲဒီတော့ မှ အပြင်မှာ အေးအေး ဆေးဆေး စကားသွားပြော ကြတာပေါ့”

ဝဏ္ဏရှိန် အကျင့်က ဒီလိုပင် အရေးတကြီး အကြောင်း ကိစ္စ ပြောချင်လျှင် အိမ်မှာ ပြောလေ့ မရှိ။ အနည်းဆုံး လဘက်ရည်ဆိုင်ခေါ်သွားပြီး ပြောတတ်သည်။

“အန်တီနန်း ပြန်လာလို့ ငါ့ကို ပြောရင် ဘယ်လို လုပ်မလဲ”

“အာ …. အကို ကလဲ၊ အကိုမှ ဘာမှ မသိတာကြီးကို၊ မေမေ တောင် ရေရေ ရာရာ ကျွန်တော် ပြော မထားဘူး၊ ကိုလင်း ကိုမြင်ရင် မေမေ လဲဝမ်းသာမှာ ကိုလင်း တယောက်ရှိရင် ကောင်း မှာ ပဲလို့ နေ့တိုင်း ပြောနေတာ”

သားဖြစ်သူထံမှ အကြောင်း ရေရေရာရာ မသိရလို့ ကောင်းထက်လင်း ကို အန်တီ နန်း မျှော်ခြင်း ဖြစ် နိုင်ပါသည်။ သူငယ်ချင်း လို အကိုလို ဖြစ်သော ကောင်းထက်လင်းကို တော့ ၀ဏ္ဏရှိန် ရှိန် က အကြောင်းစုံ ပြောပြလိမ့်မည် ဟု အန်တီ နန်းကျိန်းသေ ပေါက်တွက်ပေမည်။

ကောင်းထက်လင်း ထင်သည့် အတိုင်း ဖြစ်ပါသည်။ အန်တီနန်း က ပြန်ရောက်တာ နှင့် ခြင်း တောင်း လေး ချပြီး ကောင်းထက်လင်း ကို နောက်ဖေးဖက် ဆွဲခေါ် သွား၏။

“ကျွန်တော်လဲ ခုမှ ရောက်တာ အန်တီ၊ ဘာမှ မသိသေးဘူး”

“အင်းပါကွယ်၊ ဒီကောင်က အန်တီ့ကို လည်း ဘာမှ မပြောဘူး၊ ဆွေဇင်ကလည်း ဘာမှ ပြောမသွားဘူး၊ မရှိတော့ ဘူးဆိုမှ အန်တီလဲသိရတာ”

“ကျွန်တော် မေးကြည့်ပါဦးမယ် အန်တီရယ်၊”

“နည်းနည်းပါးပါး ဖျောင်းဖျပါဦးကွယ်၊ မင်းကိုတော့ လင်မယား နှစ်ယောက်လုံးကချစ်ကြတယ်၊ မင်းပြောရင် ရချင်ရနိုင်မယ်”

“ဟုတ်ကဲ့ပါအန်တီ၊ ကျွန်တော်ကလည်း သူတို့ကို မကွဲစေချင်ပါဘူး”

အန်တီနန်း မျက်နှာ မှာ မျက်ရည်တွေ ဝေ့၀ိုင်းလာ၏။

“သူတို့က လူကြီးတွေပါ၊ ဘာဖြစ်ဖြစ် ဘာလုပ်လုပ်၊ ကြားထဲက အန်တီ့ မြေးလေး ငဲ့ကြဖို့ကောင်းတာပေါ့၊ ခုက လေး က အန်တီ နဲ့ လာအိပ်ရှာတယ်၊ ဟို အကောင်ကတော့ ညဖက်ဆို မီးတထိန်ထိန် နဲ့ ဘာလုပ်နေမှန်း တောင် မသိပါဘူး ကွယ်”

“ဟုတ်ကဲ့၊ ကျွန်တော် အတတ်နိုင်ဆုံး ကြိုးစားပါမယ် အန်တီ၊ ဒီကောင့် ကို အပြင်ခေါ် သွားပြီး အစ်ကြည့်ပါမယ်”

“အေးအေး သွားသွား”

အိပ်ပျော်နေဆဲ ကလေးကို အန်တီနန်းလက် အပ်ပြီး ကောင်းထက်လင်း နှင့် ၀ဏ္ဏရှိန် အပြင်ထွက်လာကြသည်။

“အကို ဘာသောက်မလဲ၊ အပြင်းလားအပျော့လား”

ဝဏ္ဏရှိန် ကမေးသည်။ သူတော်တော်လေး စိတ်ညစ်နေမှန်း ရိပ်မိသော ကောင်းထက်လင်း က အရက်သောက် တာ ကို တားမြစ်မနေတော့ပါ။

“အပျော့ပဲ သောက်ကြတာပေါ့ကွာ”

“အကို အပျော့သောက်ချင်သောက်လေ၊ ကျွန်တော်ကတော့ အပြင်းပဲ ကိုင်မယ်”

“မင်းကလဲကွာ မိန်းမနဲ့ ကွဲလို့ အရက်သောက်တယ် ဆိုတာ လူကြားလို့ မကောင်းပါဘူး”

“ဘာဖြစ်ဖြစ် အကိုရာ စိတ်ညစ်တာတော့ မခံနိုင်ဘူး၊ ဒါမှ ညဖက်လဲ အိပ်လို့ ပျော်မယ်”

ကောင်းထက်လင်းလက်လျော့လိုက်သည်။

“ကဲပါကွာ ငါလဲ အပြင်းပဲ သောက်ပါတော့မယ်၊”

ဆိုင်ရောက်တော့ ၀ဏ္ဏရှိန်က ၀ီစကီ မှာလိုက်သည်။ အမြည်းတွေ မရောက်ခင် အရက်က အရင်ရောက်လာ၏။ ၀ဏ္ဏရှိန်က ခပ်သွက်သွက်ပင် ခွက်တွေထဲကို ငှဲ့ပေးသည်။ ကောင်းထက်လင်း ကတော့  စီးကရက် သောက်ရင်း သူ့ကို အကဲခတ်နေမိသည်။

“ဖြေးဖြေးပေါ့ကွာ၊ အမြည်းတွေတောင်မရသေးဘူး”

ကောင်းထက်လင်း ပြောသော်လည်း ၀ဏ္ဏရှိန်က သူ့ခွက်ကို ရေ အနည်းငယ်ရောပြီး တကျိုက်ထဲ မော့ချပစ် လိုက်သည်။

“ကို လင်းစောင့်ချင်စောင့် လေ၊ ကျွန်တော်တော့ မနေနိုင်တော့ဘူး”

“ရပါတယ်ငါက အေးအေးဆေးဆေးပါ၊ ဒါပေမယ့် သောက်တာလဲ သောက်၊ ငါသိချင်တာလဲ ပြောပြဦး”

“အကိုဘာသိချင်တာလဲ”

“မင်းတို့ ကိစ္စ ပေါ့ကွ”

“ပြောပါမယ် ပြောချင်လွန်းလို့ ခေါ်လာတာပါ”

ဝဏ္ဏရှိန် နောက်တခွက်ထပ်မော့လိုက်ပြန်သည်။ ဒီ လိုမြင်ကွင်းမျိုးကို မြင်ရတော့ ကောင်း ထက် လင်း စိတ် မချမ်းသာပါ

“မင်းတို့ နှစ်ယောက် လက်ထပ်ဖြစ်အောင်တိုက်တွန်းခဲ့တာများ မှားသွားပြီလားကွာ”

“အကို  မမှားပါဘူး၊ မှားတာက ကျွန်တော်တို့ နှစ်ယောက်ပါ”

“နှစ်ယောက်လုံးမှားတယ်၊ဟုတ်လား”

“ပြောရင်လည်း အကိုက အကို့ ညီမဖက်ကလိုက်မလား မသိဘူး၊ အဓိက  ကတော့ ကျွန်တော် ပေါ့ဗျာဒါပေမယ့် ခုလိုဖြစ်ရတာကလဲ ကိုလင်းညီမ စနက်မကင်းဘူး”

လုံးဝ မသောက်ရသေးသော ကောင်းထက်လင်း မူးချင်သလိုလို ဖြစ်လာသည်။ စိတ်ရှုပ်ရှုပ်ဖြင့် သူလည်း လက်ထဲက ခွက်ကို မော့ချလိုက်မိ၏။

“ဟုတ်တယ်၊ အခု အကိုလဲ သောက်ပြီ၊ ကျွန်တောယ် ပြောချင်တာလည်း ဒီ သဘောမျိုးပါ၊ ကျွန်တော်ပဲ တယောက်ထဲ သောက် တယောက်ထဲ ပြောနေသလိုဖြစ်နေတယ် မဟုတ်လား။”

ကောင်းထက်လင်း ဘာမှ ခွန်းတုံ့ မပြန်တော့ဘဲ ငြိမ်နေလိုက်သည်။ သူ့ဖက်က လောနေရန် မလိုပါ။ ၀ဏ္ဏရှိန် ရင်ဖွင့်လာသည်ကို စောင့်ရန်သာလိုတော့သည်။ ၀ဏ္ဏရှိန် နောက်တခွက် ထပ်ငှဲ့နေစဉ် စားပွဲထိုးက စားစရာ တွေလာချ၍ စကားခနရပ်သွားကြသည်။

“ကျွန်တော် တခြားမိန်းမတယောက်နဲ့ ပတ်သက်ခဲ့မိတယ် ကိုလင်း”

ဖြစ်နိုင်ခြေတခု ဖြစ်သော်လည်း ဒီလောက် အထိကောင်းထက်လင်း မျော်လင့် မထားမိခဲ့ပါ။

“ဖြစ်ရလေကွာ၊ ဘယ်က မိန်းမလဲ”

“ရုံးကပါပဲ၊ အကိုတော့သိမှာ မဟုတ်ဘူး နောက်မှ ၀င်လာတာ၊ ကျွန်တော်လဲ ထိန်းပါတယ်၊ ရှောင်ပါတယ် ဒါပေမယ့် …. မရဘူးဖြစ်သွားတယ် ကိုလင်းရယ်”

ခုတိုင်းဆိုလျင် ဆွေဇင့် အလွန် လို့ ပြောရန် မရှိတော့ပါ။ ထို့ကြောင့် ကောင်းထက်လင်း က

“ဆွေဇင်က ဒါကို သိသွားတယ်ပေါ့”

“ဟုတ်တယ် သိတာမှ ခရေစေ့တွင်းကျ ကိုသိတာ၊ ပြောရင် အကို ယုံမှာ မဟုတ်ဘူး၊ ဘယ် သွားတယ်၊ ဘာလုပ် တယ် ၊ ကောင်မလေး ဘာအ၀တ်အစားဝတ်ထားတယ် ဆိုတာက အစ သိနေတာ၊ကုန်ကုန် ပြောမယ်ဗျာ ဟိုတယောက် အတွင်း ခံ အရောင်ကို တောင် ကွက်တိ ပြောတာ”

အရက် ရှိန်ကြောင့် မဟုတ်ပါဘဲ ကောင်းထက်လင်း ခေါင်းတွေ ရီဝေလာသည်။

“၀ဏ္ဏရှိန် အစက ပြောကွာ၊ ငါမသောက်ပဲနဲ့ မူးလာပြီ”

“ဒါဆိုလဲ သောက် ကျွန်တော် လဲသောက်မယ်၊ ပြီးရင် အစကကို ပြောပြမယ်”

ဝဏ္ဏရှိန် အမြည်းစားသည် အရက်ကို ထပ်ငှဲ့သောက်သည်။ ကောင်းထက်လင်းလည်း ဒုတိယမြောက် ခွက်ကို သောက်ရင်း ၀ဏ္ဏရှိန် ပြောလာမည်ကို စောင့် မျော်နေမိ၏။

“ဒီလို အကိုရာ၊ မရိုမသေ တွေလဲပါမယ်၊ အကို့ကို မလေးစားတာ မဟုတ်ပါဘူး၊ အဲဒါတွေပါ ထည့်ပြောမှ ရှင်းမှာမို့ပါ”

“အေးပါကွာ ငါနားလည်ပါတယ်၊ အရေးကြီးတာ က မင်းတို့ ဖြစ်ခဲ့သမျှသိဖို့ပဲ၊ ဒါမှလည်း ငါတတ်နိုင်သလောက် ကူညီပေးနိုင်မှာ”

ဝဏ္ဏရှိန် မျက်နှာမှာ ထူးဆန်းသည့် အရိပ်အယောင်တွေ ပေါ်လာသည်။

“အင်းလေ၊ အကို ၀င်လာရင်တော့ ရမလားပဲ”

“ငါ အတတ်နိုင်ဆုံးကြိုးစားပေးမယ်ကွာ ဟုတ်ပြီလား အဖြစ်မှန်သာ ပြောပြ”

“ဒီလို အကိုရယ် အရှက်မရှိတဲ့ မျက်နှာနဲ့ ပြောရရင်တော့ ဆွေဇင်နဲ့ ကျွန်တော်ကြားမှာ လင်မယား ကိစ္စ မရှိတာ တော်တော်ကြာပြီ၊ အဲဒါကလည်း အကို့ ညီမ က စိတ်မ၀င် စား တော့လို့ ငြင်းနေလို့”

ကောင်းထက်လင်း ငြိမ်နေလိုက်သည်။

“ကျွန်တော်ချော့တယ် ချောက်တယ် မရဘူး၊ အကို့ညီမက ခေါင်းမာတယ်၊ အတင်းကာရော ကြီးလဲ မလုပ်ချင် ဘူး၊ ကျွန်တော် စိတ်ညစ်ခဲ့ရတာကြာပြီ၊ ကိုလင်း စဉ်းစား ကြည့်ပေါ့၊ အိမ် ထောင်သည် ယောက်ျားတယောက် အနေနဲ့ ကိုယ့် မိန်းမနဲ့ လင်မယား လိုနေချင်တာ ကျွန် တော် မလွန်ပါဘူး၊ ဒါပေမယ့် ဒီကိစ္စတခုပဲ သူပျက် ကွက်တာပါ တခြားဝတ္တရားတွေ တော့ လုံးဝ မပျက် ကွက်ပါဘူး၊ နောက် တော့ ကျွန်တော်လည်း တဏှာရူး မဖြစ်ချင်တာနဲ့ ဖာသိ ဖာသာပဲ ထားလိုက်တော့တယ်”

“ငါကြားဖူးတာကတော့ မိန်းမတွေ ဟာ သားသမီး ရပြီးနောက်ကျရင် သူတို့ စိတ်ထဲမှာ ကလေးပဲ ရှိတော့ ဒီလိုမျိုးတွေ စိတ်ကုန်တတ်တယ် လို့ ပြောကြတာပဲကွ”

“မဟုတ်ဘူး အကို ကလေး မွေးပြီးစကတောင် ဒီလို မဟုတ်ဘူး၊ မွေးပြီးလို့ လေးဆယ့် ငါးရက်ပြည့် တော့သူ တက်တက်ကြွကြွ ပါပဲ။ လွန်ခဲ့တဲ့ ကိုးလ တနှစ်လောက်က မှ ဖြစ် သွားတာ”

ကိုယ်တိုင်က အိမ်ထောင်သည် မဟုတ်သဖြင့် ကောင်းထက်လင်း ဘာကို ဝေဖန်ရမှန်း မသိတော့ပါ။ ၀ဏ္ဏရှိန် ဆက် ပြောလာတာကိုပဲ စောင့် နားထောင်ရတော့သည်။

“အမှန် ပြောရရင် အကိုရယ် ဆွေဇင်နဲ့ ကျွန်တော်က သမီးရည်းစားဘ၀ မှာထဲက ခုလိုကိစ္စ တွေရှိခဲ့ ပြီး သား၊ ပထမဆုံး အကြိမ်တုန်းကတောင် သူဒီလောက်မငြင်းခဲ့ဘူး”

ဒါကိုတော့ ကောင်းထက်လင်း အလွန်အံ့သြမိပါသည်။ ခုလို ခေတ်ကြီး က သမီးရည်း စားတွေကြားမှာ လိင်ကိစ္စ က သိပ်မဆန်းကြယ်တော့သည် မှန်သော်လည်း ဆွေဇင့်လို စည်းကမ်းရှိ သည့် မိန်းကလေးက ချစ်သူဘ၀ မှာနယ်ကျော်ခြင်းကို ခွင့်ပြုလိမ့်မည် မဟုတ်ဟု ကောင်းထက်လင်း ထင်ထားခဲ့သည်။

“အကိုနဲ့ စမိတ်ဆက် မပေးခင်ထဲက ပြီးပြီးသား”

“ငါနဲ့ မိတ်ဆက်ပေးတုန်းက မင်းတို့ ရည်းစားဖြစ်ခါစပဲ ရှိသေးတယ်လေ”

“ဟုတ်တယ်၊ ဒီအဆင့် ကို ခပ်မြန်မြန်ရောက်သွားလို့ ကျွန်တော့်ကိုယ်ကျွန်တော် တောင် အံ့သြနေတာ၊ ဒါပေ မယ့် တကယ်ပြောတာပါ ကိုလင်း၊ ဒီလို လိုက်လျောခဲ့တဲ့ အတွက်သူ့ကို လုံးဝ အထင်မသေးခဲ့ပါဘူး၊ ပိုတောင် ချစ်သွားပါ သေးတယ်”

“ကဲပါ ထားတော့၊ ဟိုတယောက် အကြောင်းဆက်ပါဦး”

ဝဏ္ဏရှိန် စဉ်းစားသလို ငြိမ်နေသည်။ အမြည်းစားလိုက်၊ အရက်မော့လိုက် လုပ်နေသေး၏။ ကောင်းထက်လင်း စိတ်ရှည်စွာပင် စီးကရက် ဖွာရင်း ထိုင်စောင့် နေလိုက်ပါသည်။

“အတိုချုံးရရင် အကိုရယ်၊ ကောင်မလေးက အပျို မဟုတ်ပါဘူး တခုလပ်၊ ကျွန်တော် အိမ် ထောင်သည် မှန်းလဲ သူသိတယ်၊ သိသိနဲ့ကို တိုးလာတာ၊ ဆွေဇင့် ကြောင့် ငတ်နေတဲ့ ကျွန် တော်လဲ မရှောင်နိုင်တော့ဘူး”

ကြောင်ခံတွင်းပျက် နှင့် ဆက်ရက်တောင်ပံကျိုး ဇာတ်လမ်းလို့သာ ဆိုရတော့မည်။ သို့ သော် ဒီဇာတ် လမ်း၏ နောက်ဆက်တွဲက မကောင်းသည်မှာလက်တွေ့ပင်ဖြစ်သည်။

“ဆွေဇင်က မင်းကို အကြောင်းတခုခု နဲ့ စိတ်ကွက်တာဆိုလည်း ခန ပေါ့ကွာ၊ ရေရှည်ကို ကြည့်ရမှာပေါ့၊ ဆွေဇင့် ကို စိတ်ကုန်တယ် ဆိုရင်တောင် ကလေးက ရှိသေးတယ်”

“မရှောင်နိုင်တော့ဘဲဖြစ်ကြပြီးတော့ ကျွန်တော် ပြောတယ်ကိုလင်း၊ သူက ရတယ်တဲ့။ ဆွေဇင့်ကိုလည်း မိန်းမ သား ချင်း ကိုယ်ချင်းစာပါတယ်တဲ့၊ သူ့ကြောင့်လင်မယား မကွဲစေရပါဘူးလို့ ကတိပေးတယ်”

တကယ့်ကို စေတနာရှင်မလေးပါပေ။ ဒါပေမယ့် သူ့စေတနာတွေက ဝေဒနာ ဖြစ်ခဲ့ရသည်။

“တပတ်တခါ နှစ်ခါ လောက်တွေ့ဖြစ်တယ်၊ တွေ့ရင်လည်း လူထဲသူထဲ မသွားပါဘူး၊ တည်းခိုခန်းလို မျိုးသွား ကြတယ်”

ဖေါက်ပြန်ပါသည် ဆိုမှ လူသိရှင်ကြားလျှောက်သွားချင်သေသလားဟု စိတ်အချဉ် ပေါက်မိသော်လည်း ၀ဏ္ဏရှိန် ကို အခုအချိန်မှာ စိတ်အနှောက် အယှက် မပေးချင်သော ကြောင့် ကောင်းထက်လင်း နှုတ် ဆိတ်နေလိုက်သည်။

“အလုပ်ထဲက လူတွေတောင် မသိကြဘူး၊ ရုံးမှာ ဆိုရင် ခပ်မှန်မှန် ပဲ နေကြတာပါ”

“ကဲ၊ ဟုတ်ပါပြီကွာ၊ နောက်တော့ ဆွေဇင်က ဘယ်လိုသိလို့ ဘယ်လို ပြသနာ စရတာလဲ”

ဝဏ္ဏရှိန် စဉ်းစားနေပြန်သည်။ စဉ်းစားတာလည်း ဟုတ်ချင်မှ ဟုတ်မည် အရက်သောက်ဖို့ အချိန်ယူနေတာလည်း ဖြစ်နိုင်၏။ ထို့ကြောင့် သူ့ထံက စကားထွက်အလာကို စောင့်ရင်း ကောင်းထက်လင်းလည်း ကိုယ့်ခွက်ကို ကိုယ် ရှင်း ပြီး ထပ်ငှဲ့လိုက်ရသည်။

“အဲဒီနေ့က နဲနဲ စကားများတယ်၊ ဘာရယ်လို့ မဟုတ်ပါဘူး စကားပြောရင်း တယောက်တ ခွန်းပြော မိတာ လေးလောက်ပါ၊ ဒါပေမယ့် ကျွန်တော်က လည်း ကြမ္မာငင်တာလား မသိဘူး၊ သူကျွန်တော့် ကို ခွင့်မပြုတဲ့ ကိစ္စ ထည့်ပြောလိုက်မိတယ်၊ သူက ကြည်ပြာ့ဆီ သွားပါလား တဲ့၊”

တဖြည်းဖြည်း နှင့် အဓိက ကျသော နေရာသို့ရောက်တော့မည် ဆိုတာ ရိပ်စားမိပြီး ကောင်းထက်လင်း ကိုယ်ကို ခပ်မတ်မတ်ပြင်ထိုင်လိုက်ပြီး ဂရုစိုက် ၍ နားထောင်နေမိသည်။

“ကြည်ပြာ ဆိုတာ ကျွန်တော်နဲ့ တွဲနေတဲ့ ကောင်မလေးလေ၊ သူက ပြောလာတော့ ကျွန် တော် လည်း အစပိုင်း တော့ မဟုတ်ဘူးဆိုပြီး ဇွတ်ခံငြင်းတာပေါ့၊ နောက်တော့ သူပြောပြတာတွေက အရမ်းကို အသေးစိတ်ကျ လာ တော့ ကျွန်တော် ကြောက်တောင်ကြောက်လာတယ်၊ဘာမှ ကို ပြန်မပြော နိုင်တော့ဘူး”

“မင်းအခု နပြောသလို အတွင်းခံက အစပေါ့ ဟုတ်လား”

ဝဏ္ဏရှိန် မျက်နှာ နီနေ၏။ အရက်ကြောင့်လား အရှက်ကြောင့် လားဆိုတာကိုတော့ ကောင်း ထက်လင်း မဝေခွဲ တတ်ပါ။

“ကြည်ပြာ့ … ဒီ … အပေါ်အပေါ် … လေးကို မွှေးတယ် ဆိုပြီး ကျွန်တော် ယူနမ်းဖူးတယ် အကို၊ အပေါ်က ဟာပါ၊ အောက်က ဟာ မဟုတ်ပါဘူး၊ အဲဒါကို ဆွေဇင်က နမ်းတဲ့ အ ကြောင်း အပြင် အရောင်ကိုပါပြောတာ”

ကောင်းထက်လင်း ဘာကိုမှ မဝေခွဲတတ်တော့။ သို့သော် ခေါင်းထဲ ကို အတွေးတခု ၀င်လာ သောကြောင့်

“မင်းကောင်မလေး ကြည်ပြာက၊ မင်းတို့ အိမ်ထောင်ရေးမထိခိုက်စေရ ပါဘူးလို့ ပြောပေမယ့် တဖက်လှည့်နဲ့ ဆွေဇင့်ကို ဒီအကြောင်းတွေ သိသွားအောင်လုပ်တာ မဖြစ်နိုင်ဘူးလား”

ဝဏ္ဏရှိန်က ခေါင်းကို ခါရင်း

“အကို တွေးသလို ကျွန်တော်လဲ တွေးမိလို့ နှစ်ယောက်လုံးကို မေးတယ်၊ ကြည်ပြာက မဟုတ် ရပါဘူး လို့ ကျိမ်တွယ်ပြောတယ်၊ ဆွေဇင့်ကို မေးတော့ သူ့ကို ကြည်ပြာပြောတာ မဟုတ်ဘူး၊သူဘယ်လို သိတယ် ဆိုတာ ပြော ဖို့ အကြောင်း မရှိဘူးတဲ့၊ အရေးကြီးတာကအဖြစ်မှန် ဖို့ ပဲတဲ့”

“ဟုတ်ပြီ၊ မင်းအကြောင်းတွေ ပေါ်သွားတော့ ဘာဆက်ဖြစ်လဲ၊ မင်းလဲငြင်းမရတော့ ဘူးဆို တော့”

“ဒါတွေ အားလုံး သူငြင်းခဲ့တာတွေကြောင့် ဖြစ်ရတာ ဆိုပြီး၊ အကိုရာ ကျွန်တော် ရှက်ရမ်း ရမ်းပြီးတော့ သူ့ကို အတင်း … အတင်းကြံဖို့ လုပ်မိတယ်၊ အဲဒီတော့ အကိုရာ………………”

ဝဏ္ဏရှိန် တုံ့ဆိုင်းသွားပြန်သည်။ လက်ထဲက ခွက်လွတ်ကို ငူငူကြီး ကြည့်နေ၏။ ကောင်းထက်လင်းက အလိုက် တသိနှင့် အရက်ငှဲ့ ပေးလိုက်သည်။

“ရေရော ဦးမလား”

“ရတယ် ပြီးမှ သောက်မယ်”

ဝဏ္ဏရှိန် အရက်ကို ဒီအတိုင်းမော့ချလိုက်ပြီးမှ ရေသောက်သည်။

“အဲဒီမှာ အကိုရယ်… ကန်တော့ပါရဲ့… သူ့ထမိန် ကျွန်တော်ဆွဲလှန်လိုက်တော့ အောက်ပိုင်း တခုလုံး၊ ဟိုဒင်း .. ပေါင်ရင်းဖက် နဲ့ ဆီးစပ် မှာရော၊ သူ့ မိန်းမ.. မိန်းမ .. အဲဒါ တ၀ိုက်မှာ ရော ဒါဏ်ရာတွေ အများကြီးပဲ”

မမျှော်လင့်သော စကားကြောင့် ကောင်းထက်လင်း မျက်လုံးပြူးသွားရသည်။ ၀ဏ္ဏရှိန် အရမ်းမူးနေပြီလား ဟု လည်း သေချာစွာစောကျောမိ၏။ ၀ဏ္ဏရှိန် မူးနေပြီ ဖြစ်သော်လည်း သိပ်ပြီးရုပ် ပျက် ဆင်းပျက်မူးနေတာ မျိုး မဟုတ်သဖြင့်

“ဒါဏ်ရာ တွေ၊ ဘယ်လို ဒါဏ်ရာတွေလဲ”

“ဆူးချွန် နဲ့ ထိုးထားသလိုမျိုး၊ နောက် အချွန်နဲ့ ကုပ်ခြစ်ထားသလို တွေလဲပါတယ်။ တချို့ ဒါဏ်ရာတွေ ဆို လတ် လတ် ဆတ်ဆတ်တွေ၊ သွေးစေး တွေတောင် မခြောက်သေးဘူး”

“ဟုတ်ရဲ့လားကွာ၊ ငါတော့ နားမလည် နိုင်တော့ဘူး”

“ကျွန်တော် မရူးသေးပါဘူး ကိုလင်းရာ၊ အခုလဲ လူမှန်းမသိမူးနေတာ မဟုတ်ပါဘူး၊ ကျွန်တော် တကယ်ကြုံ ခဲ့ တာ ကို ပြောတာပါ”

“ကဲပါ ထားတော့၊ မင်းဆက်လုပ်ဖြစ်သေးလား”

“ဘယ်လုပ်ဖြစ်တော့ မှာလဲ၊ သူ့ကို ဘာဖြစ်တာလဲ အတင်းမေးတော့ တာပေါ့၊ သူ့အသက် အသေခံမယ် မပြော ဘူးတဲ့”

ဒီတခါ အရက်ကို ရေမရော ဆိုဒါ မရောဘဲ မော့ချလိုက်မိသူက ကောင်းထက်လင်း ဖြစ်သည်။

“ဟုတ်တယ်၊ အကို သောက်၊ ဒါတွေသိရင် အကိုလဲ သောက်ချင်စိတ်ပေါက်သွားမယ် ဆိုတာ ကျွန်တော် သိတယ်”

“မင်းငါ့ကို နောက်နေတာ များလားကွာ”

“မနောက်ပါဘူး၊ အကိုရာ၊ ဆက်နားထောင် ပြောပြမယ်”

ကောင်းထက်လင်း အရက်ထပ်ငှဲ့လိုက်သည်။

“နောက်တော့ သူအခန်းထဲက ထွက်သွားတယ်။ တော်တော် နဲ့ပြန်မလာဘူး၊ ကျွန်တော် မနေနိုင်လို့ လိုက်သွား တော့ ၀ရန်တာမှာ ထွက်ထိုင်နေတယ်။ ပြန်ခေါ်တာ မလိုက်ဘူး၊ မေမေ နိုးသွား မယ် ဆိုတော့ မှ လိုက်လာတယ်၊ အထဲရောက်တော့ လည်း ကုတင်ပေါ်မှာ ဒူနှစ်လုံးပိုက်ပြီး ထိုင်နေတယ်။ တညလုံး မအိပ်ဘူး၊ ကျွန်တော့် ကိုလဲ စကားမပြောဘူး၊ ကျွန်တော်လဲ ဘယ်အိပ်လို့ ရတော့မလဲ၊ မနက်ကျတော့ ကျွန်တော့်ကိုပြောတယ် သူနဲ့ကွာရှင်း ပေးပါ တဲ့”

“မင်းက ဘာပြန်ပြောလိုက်လဲ”

“စဉ်းစားပါဦးလို့၊ ကျွန်တော့်ဖက်က အမှားတွေ အတွက်တောင်းပန်တယ်၊ နောက်မဖြစ်စေရ ပါဘူး လို့ပြောပြီး ကျွန်တော် က အလုပ်သွားလိုက်တယ်။ ပြန်လာတော့ ကိုလင်း ညီမ က ကွာ ရှင်းစာချုပ်တွေ တောင် ပြင်ဆင် ပြီးနေပြီ။ သူ့ လက်မှတ်တောင် ထိုးထားပြီးပြီ၊ ကျွန်တော့ကို လည်း ငိုပြီးတောင်းပန်တယ် လက်မှတ်ထိုးပေး ပါတဲ့၊ ထိုးမပေးရင်း ၀ရန်တာ က ခုန်ချလိုက် တော့မယ်တဲ့၊ ညကထဲက ခုန်ချဖို့ စဉ်းစားနေတာ ကျွန်တော် ထွက်လာလို့ ခုန်မချဖြစ် လိုက်ဘူးတဲ့”

ဝဏ္ဏရှိန် အသံက တဖြည်းဖြည်း ဆို့နင့်ကြေကွဲလာသည်။ ကောင်းထက်လင်း လည်းကြားဖြတ် မပြောတော့ဘဲ အသာနားထောင်နေမိသည်။

“သားလေးကို ထောက်ပါဆိုတာတောင် မရဘူး၊ နောက်ဆုံး ကျွန်တော် လက်မှတ်ထိုးပေး လိုက်တယ်။ သား လေး ကို နမ်းတယ်၊ နောက်တော့ စာချုပ်တစောင်ယူပြီး အိမ်ပေါ်က ဆင်းသွားတော့တာပဲ၊ ဘာမှ မယူဘူး၊ အ၀တ် တထည်ကိုယ်တခု နဲ့ ထွက်သွားတာ”

မူလက သမရိုးကျ လင်မယားချင်းကတောက်ကဆ ဖြစ်မှု လောက်လို့သာထင်ထား မိသောကောင်း ထက် လင်း ဘယ်လို မှတ်ချက်ပြုရမည် မသိတော့။ ၀ဏ္ဏရှိန် က အရက်တွေထပ် သောက်နေစဉ် ဦးနှောက်ကို အလုပ်ပေးပြီး ပြေရာ ပြေကြောင်း နည်းလမ်းတခုကို ရှာနေမိ သည်။

ကောင်းထက်လင်း သတိရမိလိုက်တာတခုရှိသည်။ လွန်ခဲ့သော လပိုင်းတွေက ဆွေဇင် ဖုန်း ခနခန ဆက်သည်။ အထူးသဖြင့် အခုတခေါက် ကောင်းထက်လင်း ခရီးမသွားခင်ရက်တွေကဖြစ်သည်။ ဘာမှတော့ ထွေထွေထူးထူး မပြောပါ။ မာကြောင်းသာကြောင်း နှင့် သူတို့ဆီလာလည်ဖို့လောက်သာပြောသည်။ သို့သော်လည်းအခုပြန်တွေး ကြည့် လိုက်သော အခါဆွေဇင့် မှာ ကောင်းထက်လင်း ကို ပြောဆို တိုင်ပင်စရာ အကြောင်းတခုတလေ ရှိကောင်း ရှိနိုင်သည်လို့ ထင်မိ၏။

အဲဒီတုန်းက ဆွေဇင်သာ ပွင့်ပွင့်လင်းလင်း နှင့် ၀ဏ္ဏရှိန် ၏ ပြင်ပဇာတ်လမ်းကို ပြောပြတိုင်ပင်ခဲ့ လျှင် ခုလိုအခြေ အထိ မဆိုက်အောင် ကြိုတင်ညှိနှိုင်းဖျန်ဖြေပေးလို့ အချိန် မှီလျှင် မှီ နိုင်သေး၏။ အခုတော့ အခြေအနေ တွေက တော်တော် လေးကို လွန်သွားခဲ့ လေပြီ။

“မင်း ဆွေဇင့် ကိုပြန်ခေါ်ဖို့ လိုက်မရှာ ဘူးလား”

“ရှာတာပေါ့ အကိုရယ်၊ ရုံးက ခွင့်ယူပြီးတော့ ကိုရှာတာ၊ ဘယ်မှာ မှ မတွေ့ဘူး။ မေမေ လဲ သူနီးစပ်သ လောက် လိုက်စုံစမ်းနေတာပဲ၊ ဘာသတင်းမှ မရဘူး”

“မင်းတို့ လက်ထပ်တုန်းကတွေ့တဲ့ သူ့ အမ ဆိုတာရော၊ ခပ်ပိန်ပိန် နဲ့လေ”

“မမမြတ်လား”

“အေး … ဆွေဇင်က အဲလိုခေါ်တယ်လေ၊ သူ့အိမ်မလိုက်ဘူးလား”

“သူက ရန်ကုန်မှာ မရှိတော့ဘူး၊ ကျွန်တော်တို့လက်ထပ်ပြီး ဘာမှမကြာဘူး အရင်က သူတို့နှစ်ယောက် ငှားနေ တဲ့ အိမ်ကိုပြန်အပ်ပြီး ထွက်သွားတယ် ပြောတာပဲ”

“ဘယ်ကိုလဲ”

“အဲဒါကို ဆွေဇင်တောင် မသိဘူးတဲ့၊ နောက်ပြီးသူတို့က တကယ် ညီအမ တော်တာမဟုတ် ဘူး၊ ညီအမလို ခင်ကြပြီးတူတူ နေကြလို့ သူ့အမ ပါလို့ ဆွေဇင်က ပြောတာ”

ဝဏ္ဏရှိန် တို့ အိမ်မှာ မင်္ဂလာဆွမ်းကျွေးတော့ ရောက်လာသည့် ဆွေဇင့်၏ တဦးတည်း သော ဆွေမျိုး အဖြစ် မြတ်ဆိုသော မိန်းမကို ကောင်းထက်လင်း မှတ်မိနေသည်။ ကျန်သည့် ဆွေဇင့်ဧည့်သည်တွေက အဲဒီတုန်းက ဆွေဇင် အလုပ်လုပ်နေသည့် ကုမ္ပဏီ က ၀န်ထမ်းတွေ ဖြစ် သည်။

မြတ်ဆိုသော မိန်းမ နှင့်ပတ်သက်ပြီး ကောင်းထက်လင်း စိတ်မှာဖြစ်ခဲ့ရတာ တခုကိုလည်း ပြန်သတိရသည်။ မြတ်သည် ပိန်ပိန်သွယ်သွယ် နှင့် ကြည့်ကောင်းသော အမျိုးသမီး တယောက် ဖြစ်သော်လည်း ကောင်းထက် လင်း စိတ်ထဲတွင်သူမ ကို ရောဂါဝေဒနာ တခုခုခံစားနေရသည်ဟု ထင်မိသည်။ အပြင်ပန်း အမူအရာ အရ ကျန်းကျန်း မာမာ ဖျပ်ဖျပ်လတ် လတ် ဖြစ်သော်လည်း ဘာကြောင့် မှန်းမသိ စိတ်က ထိုအတိုင်းထင်နေသည်။

“ငါလည်း တတ်နိုင်သလောက် ကြိုးစားပြီး ဆွေဇင့် သတင်းစုံစမ်းပေးပါမယ်ကွာ၊ ငါတွေ့ခဲ့ရင်လည်း ရအောင် ဖျောင်းဖြ ပြီး ပြန်ခေါ်ခဲ့ပါမယ်”

ကောင်းထက်လင်း လည်း ဒီလောက်သာပြောတတ်တော့သည်။ ၀ဏ္ဏရှိန် ကတော့ သိပ်ပြီးမျှော်လင့် ချက်ထားပုံ မပေါ်ပါ။

“အကို့ ညီမ စိတ်က ထူးဆန်းတယ် ကိုလင်းရဲ့။ ကျွန်တော်က သူနဲ့ လင်မယား ဆိုတော့ ကျွန်တော် ပိုသိတယ်။ သူမလာချင်ရင် အကိုက ဘယ်လိုတောင်းပန်တောင်း ပန်ရမှာ မဟုတ်ဘူး၊ သူ အကို့ ကို ဘယ်လောက်ခင်တယ် ဆိုတာ အကိုလဲသိ၊ ကျွန်တော်လဲ သိတယ်။ ဒါပေမယ့် ဒီနေရာ မှာတော့ အကို့စကားနားထောင်လိမ့် မယ်လို့ တထစ်ချ ပြောလို့ မရဘူး”

ရေရေ ရာရာ အဖြေမရဘဲ အရက်ဆိုင်က ထထွက်လာချိန် မှာ ညကိုးနာရီကျော် သွားလေပြီ။သူ့အိမ်မှာလိုက် အိပ်ဖို့ ၀ဏ္ဏရှိန် ခေါ်တာကို ညင်းပြီး ကောင်းထက်လင်း ပြန်ခဲ့သည်။ အရမ်းမူးနေသည့် ၀ဏ္ဏရှိန် ကို အိမ်အောက် လှေခါးဝ အထိလိုက်ပို့ပေးလိုက်သည်။ ပြီးတော့ အိမ်ပြန်ဖို့ တက္ကစီ ရလို ရငြား လမ်းပေါ်မှာ ကြည့်ရင်း ကောင်း ထက် လင်း လမ်းလျှောက်နေမိ၏။

ကောင်းထက်လင်း ကံဆိုးချင်တော့ တက္ကစီ အလွတ်နှင့် မတိုးဘဲ လူပါလာပြီးသားတွေ နှင့် တိုးသည်။အကြုံလိုက် ဖို့ ကလည်း လမ်းကျော မသင့်တာတွေ ချည်းဖြစ်နေ၏။ လျှောက်ရင်းလျှောက်ရင်း ခြေညောင်းလာမှ တနေရာမှာ ရပ်ပြီးကားတား တော့ အဆင်မပြေပြန်ပါ။ တချို့ကားတွေက အလွတ်လာသည့် တိုင်အောင် ရပ်မပေးတာ နှင့် ကြုံရပြန်သည်။ဒီလို နှင့်နာရီဝက်လောက်ကြာသွား၏။

“ကားငှား မလို့လားဟင်”

ဆည်းလည်း လို အသံလေး နှင့် အတူ သင်းပျံ့သော မွှေးရနံ့ တခုပါရလိုက်၏။

“ဟုတ်ကဲ့”

လှည့်ကြည့်လိုက်တော့ မိန်းကလေးတယောက်။ လှလှပပ ကျော့ကျော့ မော့မော့ လေးပင်။ ခုလိုအချိန် အခုလိုနေ ရာ နှင့် သူမ ဘယ်လိုမှ မအပ်စပ်သလိုလို ရှိသည်။ မြင်မြင်ချင်းပင် သူမကို သိသလိုလို ကောင်းထက်လင်းစိတ်မှာ ထင်သည်။ ထို့ကြောင့် ရှိသလောက် အလင်းရောင် တွင် သေသေချာချာ ကြည့်မိသည်။ သူမလေး ကလည်း ပြန် ကြည့်သည်။

“ငါ့ နှယ်နော်”

ကောင်းထက်လင်း စိတ်ထဲကကျိတ်ရေရွတ် လိုက်မိသည်။ ကောင်းထက်လင်း သူမကို သိသ လိုလို ရှိသည်မှာ သိကျွမ်းဖူးသောကြောင့် မဟုတ်။ နာမည်ကျော်ရုပ်ရှင်မင်းသမီး တဦး နှင့် အ တော်လေး ကိုဆင်တူသော ကြောင့် မြင်ဖူးသည် ထင်မိခြင်း ဖြစ်သည်။ မင်းသမီး ညဖက်ကြီးကားပျက်လို့ တော့ မဖြစ်နိုင်ပါ။ လူချင်းဆင် တာသာဖြစ် ပါလိမ့်မည်။

“ဟေ့ … အဲဒီမှာ ဈေးမတည့်ရင်လည်း ဒီဖက်ကို လာဟေ့”

အော်ပြောလိုက်သံကြောင့် အသံလာရာ ဆီလှမ်းကြည့် လိုက်ရာ လမ်းဘေးဓါတ်မီးတိုင် အောက် မှာရပ်နေသူ နှစ်ယောက်ကို မြင်ရသည်။ ကောင်မလေး မျက်နှာပျက်ပြီး တဖက် သို့လှည့်သွားသည်။ ညငှက်မ ကလေးပါလား ဟု သိလိုက်ရချိန် မှာတော့ သူမကို ကြည့်ပြီး ကောင်း ထက်လင်း စိတ်မချမ်းမြေ့ ဖြစ်ရသည်။

ထိုအချိန်တွင် ကောင်မလေးက ပလက်ဖောင်းစပ်သို့ ပြေးပြီး တက္ကစီ တစီးကို တားလိုက် သည်။ လမ်းမကို ကျော ပေး ထားသလိုဖြစ်နေသော ကောင်းထက်လင်း က ကားလာတာ ကို မမြင်လိုက်ပေ။ ဒီတစီး ကတော့ ချက်ချင်း ထိုးရပ်ပေး၏။

“ဘယ်သွားမှာလဲ”

ကားသမားက ကောင်မလေး ကို မေးသည်။ ကောင်းထက်လင်းကလည်း အနားကို ရောက်နေ ပြီ ဖြစ်သဖြင့် သွားမည့် နေရာကို ၀င်ပြောလိုက်မိသည်။

“ကျောက်မြောင်း”

မထင်မှတ်ပါဘဲ နှစ်ယောက်လုံး တပြိုင်ထဲ အသံထွက်သွားသည်။ လမ်းကြုံ နေမှု အတွက်ကောင်းထက်လင်း အံ့သြနေမိဆဲ ကောင်မလေးက နောက်ခန်းတံခါးကို ဖွင့်လိုက်သည်။

“လာလေ”

ယောင်ကမ်းကမ်းဖြင့် ကောင်းထက်လင်း ၀င်ထိုင်လိုက် အပြီးတွင်ကောင်မလေးက တံခါးကိုပြန်ပိတ်လိုက်သည်။ တဖက်ကပတ်တက် မည်ဟု ထင်မိသော်လည်း ပလက်ဖေါင်းပေါ် ပြန်တက်သွားသည်။

“မလိုက်ဘူးလား”

မနေနိုင်တော့ လို့ကောင်းထက်လင်းလှမ်းမေး မိသည်။

“မလိုက်ပါဘူး၊ အကို့ကို ကားတားပေးတာပါ”

ကောင်းထက်လင်း ပိုပြီး အံ့သြစေမည့် အဖြေကို ပေးပြီး ကောင်မလေး ဆက်လျှောက်သွား သည်။ သူမ ဦးတည် ရာ ဓါတ်တိုင်အောက်တွင် စောစော ကလူ နှစ်ယောက်ရှိနေဆဲ၊ သူမ ကလည်း သူတို့ ရှိရာသို့ တည့်တည့် သွား နေ သည်။

“မောင်းလို့ ရပြီလားညီလေး”

“ရတယ် အကိုမောင်း မောင်း”

ကောင်းထက်လင်း ပြန်ဖြေသံက နားမလည်နိုင်စရာ စိတ်ညစ်ညူးမှု တွေ စွန်းပေနေ၏။ ကားစထွက်လာပြီး နောက် ထပ်  ဂီယာ တချက်အပြောင်းတွင် ခုန ကောင်မလေး ရှိရာ ဓါတ်တိုင်ဘေးသို့ရောက်လာ၏။ ကားသမား က ဂီယာ  ထပ်ပြောင်းဖို့ လီဗာကို ထပ်ဖိနင်းလိုက် သော အခါဓါတ်တိုင် နှင့် ကောင်မလေး လည်းနောက်မှာ ရိပ်ကနဲ ကျန်ခဲ့တော့သည်။

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

ဝဏ္ဏရှိန် ကိုတတ်စွမ်းသလောက်ကူညီပါမည်ဟု ကတိပေးခဲ့သော်လည်း တကယ်တန်းကျ တော့ သိပ်ပြီးမ လွယ်ကူလှပါ။ ကောင်းထက်လင်း အနေဖြင့် ဆွေဇင့် ကို ၀ဏ္ဏရှိန်၏ ရည်းစား နောက်တော့ ဇနီး အနေဖြင့်သာ သိခဲ့သည်။ သူမနှင့် ပတ်သက်ပြီး ရေရေ ရာရာ သိတာ သိပ် မရှိ၍ ဘယ်မှာ ဘယ်လိုရှာပြီးဖျောင်းဖျပေးရမည် မှန်း မသိတာက ခက်နေသည်။ သွားရင်း လာရင်းများ တွေ့လေမလားဟု မျက်စိဖွင့် နားစွင့် ထားတာ မျိုးပဲ လုပ်နိုင်သည်။

ထို့ကြောင့် ၀ဏ္ဏရှိန် ဆီ ဖုန်းဆက်ပြီးအကျိုး အကြောင်းမေးဖို့ ရာကိုပင် ကောင်းထက်လင်း ၀န်လေး နေမိသည်။ ခရီးက ပြန်လာပြီး တော့ သွားသည့် နောက်ပိုင်း ၀ဏ္ဏရှိန် ဆီလည်း မရောက်ဖြစ်တော့ပါ။ သို့သော် တရက်တော့ သွားသင့်သည့် ကိစ္စရှိလာ၏။ အန်တီနန်း နှင့်တွေ့ဖို့ ဖြစ်သည်။ ကောင်းထက်လင်း နိုင်ငံရပ်ခြားမှာ ဘွဲ့လွန် ဆက်တက်ဖို့ အတွက် ပညာသင်ထောက်ပံ့ကြေး လျှောက်ထားသည့် ကိစ္စ အဆင်ပြေသွား၏။

ကောင်းထက်လင်း ဒီလို အဆင်ပြေသွားတာ အန်တီနန်းကျေးဇူး မကင်းပါ။ အင်္ဂလိပ်စာ နှင့်ပတ်သက်ပြီး အန်တီ နန်းက အများကြီးသင်ပြကူညီပေးခဲ့သည်။ ဒါကြောင့် အန်တီနန်းကို သတင်းကောင်း ပြောပြချင်သည်။ အန်တီ နန်း စိတ်ညစ်နေချိန် မှာ ကောင်းထက်လင်း အတွက်ဝမ်းသာစရာ ကြောင့် အနည်းငယ်တော့ စိတ်လက်ပေါ့ပါးမှု ရသွားနိုင်သည်။ သူမကိုယ်တိုင်လည်း ကောင်းထက်လင်း အတွက်မျှော်လင့်ချက် ထားပြီး ကိုယ်ဖိရင်ဖိ သင်ပြပေး ခဲ့သည်မဟုတ်ပါလား။

ထို့ကြောင့် အန်တီနန်း နှင့် စကားပြောရန်၊ တဖက်က ၀ဏ္ဏရှိန် အခြေအနေ ကိုလည်း စုံ စမ်း ရန် ရုံးဆင်းတာ နှင့် တန်းထွက်လာခဲ့ရာ ဟိုရောက်တော့ သော့ခလောက်ကြီး နှင့်တိုးသည်။ အပြင်သွားကြ တာဆိုလျင်ပြန်လာ နိုင် သောကြောင့်လမ်းထိပ်ကထိုင်နေကျဆိုင်မှာထိုင်စောင့်ဖို့ ဆုံးဖြတ်လိုက်သည်။

ညနေခင်းပေမယ့် လဘက်ရည်ဆိုင်ထဲမှာလူရှင်းနေသည်။ အသိအကျွမ်းလည်းတယောက်မှမတွေ့။ကောင်းထက် လင်း ထိုင်ပြီး တော်တော်လေးကြာမှ ဆိုင်ရှင်ကိုထွန်းအေး ကောင်တာကနေထလာသည်။ ကိုထွန်းအေးကိုမြင် တော့ ကောင်း ထက် လင်း ၀မ်းသာသွားသည်။ သူက ဒီရပ်ကွက်သားဖြစ်သည့် အပြင် လဘက်ရည်ဆိုင်ဖွင့်ထား တော့သူ့ဆီက သတင်းစုံလင်ရနိုင်သည်။

'ကိုလင်း တယောက်ထဲလား'

'ဟုတ်တယ်ဗျ၊ ၀ဏ္ဏတို့ဆီလာတာ၊ အိမ်သော့ခတ်ထားလို့'

ခုံတလုံးဆွဲပြီးကိုထွန်းအေး ဘေးမှာဝင်ထိုင်သည်။

'၀ဏ္ဏရှိန်က သူ့မိန်းမ လိုက်ခေါ်တယ်ကြားတာပဲ၊ ဒါကြောင့် အိမ်ပိတ်ထားတာ နေမှာ'

'အန်တီနန်းရော၊'

'ကျူရှင်ပေါ့၊ ကလေးကိုတော့ သူတို့နှစ်အိမ်ကျော်က မမီးမီး ကြည့်ပေးထားတယ်ပြောတာပဲ'

'လိုက်ခေါ်တယ်ဆိုတာ ဘယ်ကိုလိုက်တာလဲ'

'အဲဒါတော့ မသိဘူးဗျ၊ ကျွန်တော်လဲ သူများပြောတာကြားတာ'

ဝဏ္ဏရှိန် ကလိုက်ခေါ်သည်ဆိုသည့် အတွက်နည်းနည်း စိတ်အေးသွားသည်။ ဆွေဇင်နှင့် ပတ်သက်ပြီး ၀ဏ္ဏရှိန် သတင်းအစအန တခုခု ရသွားပုံရသည်။ ကောင်းထက်လင်း သိသလောက် ဆွေဇင်က တကောင်ကြွက်၊ ရန်ကုန် မှာ ဆွေနီးမျိုးစပ်မရှိ။ တခါ မြင်ဖူး သော မမမြတ် ဆိုသည့် အမျိုးသမီး အပြင် အခြားသူငယ်ချင်း မိတ်ဆွေ တွေ ရှိကောင်းလည်း ရှိနိုင်သည်။

ဆွေဇင်သူမ ဇာတိ ကိုများပြန်သွားသလား တွေးလိုက်မိသည်။ မိဘတွေ မရှိတော့သော် လည်း ဆွေမျိုးတွေတော့ ရှိနိုင်သေး၏။ ဒါပေမယ့် ဆွေမျိုးတွေ နှင့်ပတ်သက်ပြီး ဆွေဇင့်စိတ်မှာ အ ကြိတ် အခဲတခုခု ရှိပုံရသည်။ စကားစပ် လို့ပင်မပြောဖူး။ သူနှင့်အရမ်းခင်သော မသင်း ဆို သည့်  သူငယ်ချင်း တယောက်အကြောင်းသာ ပြောဖူးသည်။ ပြောဖူးတာကလည်း ကောင်း ထက် လင်း နှင့်ထိုအမျိုးသမီးကို အောင်သွယ်ပေးချင်ကြောင်း ခနခန နောက်တတ် တာမျိုး ဖြစ် သည်။

'ကိုလင်း ကျွန်တော် ကောင်တာပြန်သွားဦးမယ်'

'ရတယ် ..ကိုထွန်းအေး သွားသွား'

'အေးဆေးပဲ မဟုတ်လား'

'ကျွန်တော် ထိုင်လိုက်ဦးမယ်၊ ၀ဏ္ဏမလာသေးလဲ အန်တီနန်း ပြန်လာရင်ဒီလမ်းကလာမှာပဲ၊ စောင့်လိုက်ဦးမယ်'

အလုပ်ရှိသော ကိုထွန်းအေးက သူ့ကောင်တာဆီ ပြန်သွားတော့ ကောင်းထက်လင်း တယောက်ထဲကျန်ခဲ့သည်။ တယောက်ထဲဟို ငေးဒီငေး လုပ်နေရင်း ခေါင်းထဲကို ၀ဏ္ဏရှိန် နှင့်  ဆွေဇင် လို့ အများကခေါ်ကြသော  ဆွေဇင် လတ် အကြောင်းတွေ ခေါင်းထဲဝင်လာသည်။

ကောင်းထက်လင်း ဒီအပိုင်းမှာနေစဉ်က ညနေဖက်ဆို ဆွေဇင်က ၀ဏ္ဏရှိန် နှင့် လဘက်ရည် ဆိုင် လိုက်လိုက် လာတတ်၏။ နေ့တိုင်းတော့မဟုတ်။ တပါတ် သုံးလေးရက် လောက်တော့ လိုက် လာသည်။ တူတူထိုင်ဖြစ်ကြ သူတွေထဲမှာ ဆွေဇင် အခင်မင်ဆုံးက ကောင်းထက်လင်းဖြစ်သည်။ ၀ဏ္ဏရှိန် လည်းကောင်းထက်လင်း ကိုခင်ပါ သည်။ ဒါပေမယ့် သူခင်တာထက် ဆွေဇင်က ကောင်းထက်လင်းကို ပိုခင်၏။

ကောင်းထက်လင်း ကို စကားပြောတော့မည်ဆိုလျင်အင်္ကျီလက်မောင်းစ ကိုဆွဲပြီးပြောတတ် သည့် အကျင့်ရှိ သည်။ သူ ပိုပြီးစကားထဲမှာ စိတ်ပါလာလေ အတင်းဆွဲပြီးပြောလေလုပ်တတ် သည်။ တီရှပ်ဝတ်ထားသည့် အခါတွေဆို အင်္ကျီရွဲ့စောင်းသွား တတ်သည်။ အကြောင်းမသိ သူတွေက ကောင်းထက်လင်း နှင့် ဆွေဇင် ကို ရုပ်ချင်းဆင်တယ် မောင်နှမလား မေးတတ် သည်။ဒီလို အမေးခံရလျင် ဆွေဇင်က သိပ်သဘောကျ၏။

ဆွေဇင်က စိတ်မာသည်။ သတ္တိလည်းကောင်းသည်။ ၀ဏ္ဏရှိန် လိုမဟုတ်။ ဆွေဇင်၏ သတ္တိ နှင့် ပတ်သက်ပြီး အားလုံးသြချယူရသော အဖြစ် အပျက်တခုရှိခဲ့ဖူးသည်။ ယောက်ျားဖောင်စီး မိန်းမ မီးနေဆိုသည့် အတိုင်း မိန်းမတွေ မီးဖွားခြင်းသည် တော်တော်လေးကြောက်ရွံ့ စိုးရိမ်စရာ ဖြစ်သည်။ ဒါပေမယ့် ဆွေဇင်က တော့ အိမ်မှာဘယ်သူမှ မရှိခိုက် ကလေးကို တယောက်ထဲ မွေးခဲ့သည်။

အဲဒီတုန်းက အိမ်မှာလူတယောက်မှ မရှိပါ။ အန်တီနန်း ကျောင်းသွားနေသလို ၀ဏ္ဏရှိန် ကလည်း အလုပ်သွားနေ သည်။ မွေးရက်ထက်စောပြီး ဗိုက်နာလာသော အခါ ၀ဏ္ဏရှိန် ဆီ ဆွေဇင်ဖုန်းဆက်သည်။ ၀ဏ္ဏရှိန် က အလုပ် တွင် မရှိ။ အပြင်သို့ ကိစ္စ တခုဖြင့်သွားနေသည်။ ပြန်လာလျင်ပြောလိုက်ရန် မှာပြီး အန်တီနန်းဆီသို့ ဆက်ပြန်ရာ တိုက်ဆိုင်စွာပင် အန်တီနန်းကလည်း အစည်းဝေး ခန်းထဲရောက်နေသည်။ ဖုန်းလက်ခံသော ဆရာမက ဆွေဇင့် ကို ငြိမ်ငြိမ်လေးနေရန် အားပေးပြီး အန်တီနန်းကို သွားပြောဖို့လုပ်သော်လည်း လူကြီး ရောက်နေ ၍ သူ့ခမျာ လည်း ရုတ်တရက် ၀င်မပြောရဲ။ နောက်ဆုံးမတတ်သာ ပဲ အရဲစွန့်ဝင်ပြောတော့ မှ အန်တီနန်းလည်း လူကြီးကို ခွင့်တောင်းပြီး အိမ်သို့ ကားငှားပြီး ပြန်ပြေးလာရာ မမှီတော့ ဆွေဇင်က မွေးပြီးနေလေပြီ။

'ကိုလင်း တူက ဇွတ်တရွက်ပဲ၊ အတင်းကို ခုန်ပေါက်ထွက်လာတာလေ'

ကောင်းထက်လင်း သတင်းမေးရောက်တော့ ဆွေဇင်က မျက်နှာ နီနီလေး ဖြင့်ဆိုသည်။ဆွေဇင်က အဲဒီလို ဆွေ ဇင် ဖြစ်သည်။ စိတ်ထားကောင်းသော်လည်း ပျော့ညံ့သလို ရှိသော ၀ဏ္ဏရှိန်နှင့် စိတ်မာသောဆွေဇင်တို့ အတွဲ ကို လိုက်ဖက်သည်ဟု ပြောရမလား၊ မလိုက်ဖက်ဟု ပြောရမလား ကောင်းထက်လင်း ဝေခွဲလို့ မရနိုင်ပါ။

ခုတော့ ဆွေဇင် ဘယ်ဆီရောက်လေပြီ မသိ။ လိုက်ခေါ် သော ၀ဏ္ဏရှိန် နှင့် ဆိုက်ဆိုက်မြိုက် မြိုက် တွေ့ပါစေ။ စိတ်ပြေပြီး ပြန်လိုက်လာပါစေ လို့သာ ကောင်းထက်လင်း ဆုတောင်းရ တော့ သည်။

ဝဏ္ဏရှိန် ပြောသော သူမ ကိုယ်ပေါ်က ဒါဏ်ရာတွေ အကြောင်းကလည်း တွေးရခက်သည်။ကောင်းထက်လင်း ဥာဏ်မှီ သလောက်တွေးကြည့်ရာ လူမမြင်နိုင်သော၊ နေရာ တွေဆို သဖြင့် ဆွေဇင် ကိုယ့်ဖာသာလုပ်သော ဒါဏ် ရာတွေ ဖြစ်ဖို့ များသည်။ ၀ဏ္ဏရှိန် ၏ ဖောက်ပြန်သောဇာတ်လမ်းကို တနေရာရာ မှ သိပြီးနောက်တွင် ဘယ်သူ့ ကို မှ ဖွင့် မပြောဘဲ တယောက်ထဲကြိတ်ခံရင်း စိတ်ထွက်ပေါက်ဖြစ် အောင် ကိုယ့်ကိုယ်ကို နှိပ်စက်တာ များလား ဟု ကောင်း ထက် လင်းယူဆမိသည်။ ဆွေဇင်၏ စိတ်ဓါတ်ကလည်း တမျိုးပင်။ သူများနှင့် မတူသော အတွေး အခေါ် ရှိသူဖြစ်ကြောင်း ကောင်းထက်လင်း အရင်ထဲက ကိုယ့်ဖာသာ မှတ်ချက်ပြုထား ခဲ့မိသည်။

အတော်လေး မှောင်ရီပျိုး မှ အန်တီနန်း ပြန်လာတာ ကိုမြင်ရ၏။ ကောင်းထက်လင်း ဆိုင်ထဲကပြေးထွက် ပြီး အန်တီနန်း ခြင်းတောင်းကို ကူဆွဲကာ အိမ်ထိပြန်လိုက်လာခဲ့၏။

“ချက်ပြုတ်ပြီး မှ ကလေးသွားခေါ် တော့မယ်ကွယ်၊ ကိုလင်းလဲ အိမ်မှာပဲ ထမင်းစားသွား”

“ကျွန်တော် စားပြီးပြီ အန်တီ”

မစားရသေးပေမယ့် သူ့ကြောင့် အန်တီနန်း ၀န်မပိုစေရန် ကောင်းထက်လင်း ညာပြော လိုက်သည်။ ပြီးတော့ သူပညာသင်ဆု ရသည့် အကြောင်း ပြောပြတော့ ကြိုတင်ထင်ထားသည့် အတိုင်း အန်တီနန်း အလွန်ဝမ်း သာ သွားသည်။ ဆရာမည်သည် တပည့်၏ အောင်မြင်မှု အတွက် ဂုဏ်ယူရန် အမြဲအသင့်ဖြစ်နေကြသူ တွေမဟုတ် ပါလား။

“အစောကြီးထဲက ကိုလင်း အဆင်ပြေမယ် ဆိုတာ အန်တီသိပါတယ်၊ ကိုလင်းက သာ ကိုယ့် ဟာကိုယ် စိတ်ငယ် နေတာ၊ ဘယ်တော့ သွားဖြစ်မှာလဲ၊ ကျောင်းဝင်ခွင့်က ရပြီးသားဆို တော့ပိုက်ဆံကိစ္စ အဆင်ပြေတာ နဲ့တက်ရုံပဲ မဟုတ်လား”

“နောက်သုံးလေးလ တော့ လိုသေးတယ်အန်တီ၊ ၀ဏ္ဏရှိန် ကိစ္စ ဘာထူးသေးလဲ”

“မထူးသေးပါဘူး ကိုလင်းရယ်၊ ပြန်လာမှ သိတော့မှာပဲ”

ပြုံးရွှင်နေသော အန်တီနန်းမျက်နှာ ချက်ချင်းညိုးကျသွား၍ ကောင်းထက်လင်း ထပ်မမေး ဖြစ် တော့ပါ။ အန်တီ နန်းကို အိမ်ထဲထိလိုက်ပို့ ပေးပြီး ပြန်လာခဲ့သည်။ ကိုထွန်းအေးဆိုင် တ ခေါက်ပြန်ဝင်ပြီး အကယ်၍ ၀ဏ္ဏရှိန် ပြန်လာလို့ ကိုထွန်းအေး ဆိုင်ရောက်ခဲ့ လျှင် ကောင်းထက်လင်း လာသွားကြောင်း နှင့် သူ့ဆီဖုန်းဆက်ရန် လည်းမှာသွားကြောင်း ပြောပြပေးဖို့ မှာခဲ့သည်။ အစက အန်တီနန်း ကိုမှာခဲ့ မလို့ပင်။ သို့သော် အန်တီနန်း မျက်နှာ မကောင်း တာ မြင်ရသည့် အတွက် မမှာရက်တော့။

အပြန်လမ်းမှာ ကားမစီးခင် ဟိုတရက်က ကောင်မလေး ကိုတွေ့ မလား ကြည့်မိသေးသည်။ ဒီနေ့ တော့စောနေ သေးလို့ ဖြစ်ပုံရသည်။ လမ်းမှာ မတွေ့ရပါ။ ကောင်းထက်လင်း လည်း ဘတ်စ်ကားတွေ ရှိနေသေးသည့် အတွက် တက္ကစီ မစီးတော့ဘဲ လိုင်းကား နှင့်ပြန်ခဲ့သည်။

Xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

ကိုထွန်းအေး က ကောင်းထက်လင်း မှာခဲ့သည့် အတိုင်းတာဝန်ကျေပါသည်။ နောက် နှစ်ရက်လောက် နေတော့ ၀ဏ္ဏရှိန် ဖုန်းဆက်လာ၏။

“ကျွန်တော် ပြန်ရောက်ပြီ ကိုလင်း”

“အေး အေး၊ ငါလဲ စိတ်ပူနေတာ၊ အဆင်ပြေသလားကွ”

“ဘယ်လို ပြောရမှန်းတောင် မသိပါဘူး ကိုလင်းရယ်”

“ဆွေဇင်နဲ့ တွေ့လား”

“မတွေ့ဘူး၊ အကို…၊ ကျွန်တော် ကိုလင်းရုံးကို လာခဲ့မယ်၊ ရုံးဆင်းချိန်လဲ နီးပြီ၊ အကို အားလား၊”

“အားပါတယ်၊ လာခဲ့လေ”

“အကို့ကို အရေးတကြီး တိုင်ပင်စရာ ရှိလို့၊ ဒါပဲနော်”

ဝဏ္ဏရှိန် ဖုန်းချသွားတော့ ကောင်းထက်လင်း စဉ်းစားရပြန်သည်။ ဆွေဇင့် ကို မတွေ့ခဲ့ဖူး ဆိုတော့ အခြေအနေ က မကောင်းပါ။ အကြောင်းစုံကိုတော့ ၀ဏ္ဏရှိန် လာမှပဲ မေးရပေတော့မည်။

ကောင်းထက်လင်း စားပွဲမှာ ပစ္စည်း တွေသိမ်းနေစဉ် ၀ဏ္ဏရှိန် ရောက်လာသည်။ ခါတိုင်း လာနေကျဆိုတော့ ကောင်း ထက် လင်း ဆီ တန်းဝင်လာသည်။

“ခန ထိုင်ဦး၊ ငါလဲ အခုပဲ ထွက်လာတော့ မလို့”

စားပွဲ ရှေ့က ကုလားထိုင်မှာ ၀ဏ္ဏရှိန် ၀င်ထိုင်သည်။ သူ့မျက်နှာက ညှိုးချုံးကျနေပြီး ရက်ပိုင်း လေးအတွင်းမှာပင် ဆယ်နှစ်စာလောက် အိုစာသွားသလို ရှိသည်။အကျိုး အကြောင်း မေးလိုက်ချင်သော်လည်း တခြားသူတွေပါ ရုံး ခန်း ထဲမှာ ရှိနေ၍ ကောင်းထက်လင်း သိမ်းစရာ ရှိတာ ခပ်မြန်မြန်သိမ်း ပြီး ရုံးဆင်းခဲ့သည်။

“ကဲ … ဒီနေ့ ရော ဘယ်ဆိုင်လဲ”

ဝဏ္ဏရှိန် နွမ်းလျစွာ ပြုံးသည်။

“လဘက်ရည်ဆိုင်ပဲ သွားကြတာပေါ့ ကိုလင်းရာ၊ အကို က အရက်သောက်ချင်လို့လား”

“မဟုတ်ပါဘူး၊ ငါကလဲ မင်းများသောက်ချင်မလားလို့ မေးတာပါ”

“မသောက်တော့ ပါဘူး”

ကောင်းထက်လင်း နှင့် ၀ဏ္ဏရှိန် အနီးအနားက လူရှင်းသော လဘက်ရည်ဆိုင် တဆိုင်ထဲ ၀င်လိုက်ကြသည်။ စားပွဲမှာထိုင်မိကြသည်နှင့်

“အကို ကျောင်းသွားတက်ဖို့ အဆင်ပြေသွားပြီဆို”

“အင်း”

“ကျွန်တော်လဲ အဲဒါမျိုးသွားချင်လိုက်တာ၊ ဒီမှာ စိတ်ရှုပ်စရာ တွေများလွန်းလို့ အေးအေး ဆေးဆေး လွတ်ရာ ကျွတ် ရာ မှာ တနှစ် နှစ်နှစ် သွားနေလိုက်ချင်တယ်”

“ဒါဆို အန်တီနန်း ကလေးတယောက်နဲ့ ဒုက္ခရောက်တော့ မှာပေါ့ကွ”

“ဟုတ်တယ်နော်၊ အကို့လို တယောက်ထဲပဲ ကောင်းပါတယ် အကိုရာ၊ မိန်းမ လဲ ယူမနေ ပါနဲ့ တော့ သိပ်စိတ်ရှုပ် စရာ ကောင်းတယ်”

လတ်တလော သူ၏ အခြေအနေပေါ်မူတည် ပြီးပေးလာသောမှတ်ချက်စကားကို ကောင်းထက် လင်းပြန်လှန်ငြင်း ခုန် မနေတော့ပါ။ တချိန်က သူနှင့် ဆွေဇင် အဆင်ပြေနေတုန်း ကတော့ ကောင်း ထက်လင်းကို အိမ်ထောင် မြန်မြန်ပြုဖို့ ၀ဏ္ဏရှိန် အတင်းတိုက်တွန်းခဲ့သည်။

“ကျွန်တော် အခုရူးချင်နေတယ် သိလား ကိုလင်း”

“အင်း …. လုပ်ပါဦး မင်းဆွေဇင်တို့ ဆီလိုက်သွားတဲ့ အကြောင်းလေး”

ဝဏ္ဏရှိန် ကစဉ်းစားနေသလို နှင့် စားပွဲပေါ်က ရေနွေးကြမ်း ပန်းကန်လုံးတွေ ထဲသို့ ရေနွေး တွေ လိုက်ငှဲ့ထည့် နေသည်။ အရင်က ဆွေဇင်ပါလျှင် ဆွေဇင်က ဒီလို လုပ်ပေးတတ်သည်။

“ကျွန်တော်သူ့ အိမ်အထိရောက်ခဲ့တယ်၊ သူ့ မိဖတွေပါ တွေ့ခဲ့တယ်”

ကောင်းထက်လင်း နားမလည်နိုင်အောင်ဖြစ်ရသည်။ သူသိသလောက် (ဆွေဇင့် အပြောအရ ဆိုလျှင်) ဆွေဇင် ငယ်စဉ်က ပင်မိဖ တွေဆုံးပါး သွားပြီဟု သိရသည်။

“မွေးစား အဖေအမေ လား”

“မဟုတ်ဘူး၊ အရင်းတွေ”

“ဒါဆို မိဖတွေ မရှိတော့ ဘူးဆိုတာ ဆွေဇင် ညာတာပေါ့”

“အဲဒီလို ပြောရ မလိုပဲ”

ဆွေဇင်ကို ဒီလို လိမ်ညာမည့် မိန်းကလေး တယောက်ဟု ကောင်းထက်လင်း မယုံနိုင်အောင်ဖြစ်ရသည်။

“မင်း အိမ်မှား သလားကွာ”

“မမှားပါဘူး၊ အကိုရယ် ကျွန်တော့် မှာဆွေဇင့် မှတ်ပုံတင်ရှိပါတယ်၊ ဆွေဇင် ထွက်သွားတော့ ကျန်ခဲ့တာ။ အဲဒီထဲ က လိပ်စာအတိုင်း လိုက်သွားတော့ အဖေနာမည်၊ အမေ နာမည် ၊ လိပ်စာ အားလုံး ကွက်တိပဲ၊ ကိုလင်း နဲ့ သူ ပေး စားမယ် ဆိုတဲ့ မသင်းတောင် အဲဒီအိမ် မှာ တွေ့ခဲ့သေး တယ်၊ ဘော်ဒီတောင့် တောင့် နဲ့ ခပ်ချော ချောပဲ”

“အေးပါ၊ ထားပါတော့ မင်း ကိစ္စ ပဲဆက်ပါဦး”

ဝဏ္ဏရှိန် ငြိမ်သွားပြန်သည်။ သူ့ အကျင့် က ဒီလိုပင် တခုခု အရေးကြီးတာ ပြောတော့မယ် ဆို လျှင် အရှိန်ယူ တတ် ၏။ ဒါကို ဆွေဇင် ကတော့ ပဲများတာ ဟု ပြောဖူးသည်။

“ကျွန်တော် အိမ်ထဲဝင်သွားပြီး ကျွန်တော် ဆွေဇင့်ယောက်ျားပါ ဆိုတော့ အားလုံး မျက်လုံး ပြူး ကုန်ကြတယ်”

“ဒါကတော့ ဆွေဇင် အိမ်ထောင်ကျတာ သူတို့ မသိကြလို့ ဖြစ်မှာပေါ့”

ဝဏ္ဏရှိန် မျက်နှာ မှာ နားလည်ရခက်သော အရိပ်အယောင်တခု ပေါ်လာသည်။

“သူတို့ ပြူးပြီးတော့ ကျွန်တော်လဲပြူး ရတော့တာပဲ၊ ဆုံးသွားတာ ကြာပြီဆိုတဲ့ ဆွေဇင့် အဖေ နဲ့ အမေ ကို အရှင်လတ်လတ် ကြီးတွေ့ ရတာကိုး”

ကောင်းထက်လင်း ဆိုလျှင်လည်း ဒီလိုပဲ အံ့သြမိမည်ပင်။ ၀ဏ္ဏရှိန်က ရေနွေးကြမ်း တခွက်ကို ဂွပ်ကနဲ မော့ချ လိုက်ရင်း

“အကို … ကျွန်တော့် ကိုကြည့်ပါဦး”

“ဘာဖြစ်လို့လဲ”

“အရူးနဲ့ များတူနေလားလို့”

“ပေါက်ပေါက်ရှာရှာကွာ”

“မတူလဲ ကျွန်တော်က ရူးချင်နေတာ၊”

“ငါ့ ညီ၊ မင်း စိတ်အေးအေး ထား၊ မင်း ဘာတွေ တွေ့ခဲ့တယ်၊ ဖြစ်ခဲ့တယ် ဆိုတာ ငါ့ ကိုသေသေချာချာ ရှင်းပြ ဟုတ်ပြီလား”

“ရှင်း မှာ၊ ရှင်းမှာ၊ ဘာဖြစ်လို့လဲ ဆိုတော့ ကျွန်တော့် မှာပြောပြစရာ ကိုလင်းတယောက်ပဲ ရှိတယ်၊ မေမေ့ ကို တောင် ပြောပြလို့ မဖြစ်ဘူး”

ကောင်းထက်လင်း အကဲခတ်မိသလောက် ၀ဏ္ဏရှိန် စိတ်လှုပ်ရှား နေခြင်းသာ ရှိသည်။ သူပြော သလို ရူးနေသည့် ပုံမပေါက်ပါ။

“ကျွန်တော်ရောက်သွားတော့ သေတာကြာပြီ ဆိုတဲ့ ဆွေဇင့်ရဲ့ အဖေ ဦးခင်မောင်လတ် နဲ့ ဆွေဇင့် အမေ ဒေါ်မြင့်မြင့်ခင် ကို အရှင်လတ်လတ်ကြီးတွေ့ရတယ်၊ ကျွန်တော်က ဆွေဇင့် ယောက်ျားပါ ဆိုတော့ သူတို့က လက်မခံကြာဘူး၊ ဒါနဲ့ ကျွန်တော် က ကျွန်တော်ရယ် ဆွေဇင်ရယ်၊ သားလေးရယ် ရိုတ်ထားတဲ့ ပုံ ထုတ်ပြတယ်။ သူတို့ကပုံထဲက ကလေးမ က သူတို့ သမီး ဆွေဇင်လတ် မဟုတ်ဘူးတဲ့”

“ဟာ …….မင်းနောက်နေတာ မဟုတ်ပါဘူးနော်”

“နောက်စရာလား အကိုရယ်၊ ကျွန်တော် ဘာပြောရမှန်း ကို မသိဘူး ဖြစ်သွားတယ်၊ နောက်ပြီးတော့ သူတို့ သမီး ဆွေဇင်လတ် ဆိုတာက လွန်ခဲ့တဲ့ လေးငါး နှစ်လောက်ထဲက မြစ်ထဲ မှာကုတို့ လှေနစ်လို့ သေသွားပြီတဲ့”

ဝဏ္ဏရှိန် ကို ကောင်းထက်လင်း စာနာစွာကြည့်မိသည်။ သူတောင် ခုကြားရသည့် စကားတွေ ကြောင့် မယုံကြည် နိုင်အောင်ဖြစ်ရသေးလျှင် ကာယကံရှင် ၀ဏ္ဏရှိန် ဆိုလျှင် ဘယ်လို နေမည်နည်း။ ရူးမသွားတာ ကံကောင်းပါ၏။

“ပြီးတော့ ကျွန်တော့် ကို သေသွားတဲ့ ဆွေဇင်လတ် ပုံထုတ်ပြတယ်၊ ဆွေဇင်နဲ့ လုံးလုံးကို မတူဘူး၊ သူက ဆွေဇင့် လို မလှဘူး”

“ဒါဆိုရင် မင်းနဲ့ အိမ်ထောင်ပြုခဲ့တာ တခြား ဆွေဇင် ပေါ့”

“ဒါကြောင့် ကျွန်တော် ရူးတော့မယ်လို့ ကိုလင်းကိုပြောတာပေါ့၊ ဒါပေမယ့် မှတ်ပုံတင် ထဲက ပုံကျတော့ သူတို့ သမီးပုံဟုတ်တယ်တဲ့”

“မင်းက အစတုန်းက မသိဘူးလား”

“သူငါးတန်း ခြောက်တန်းလောက်က ပုံနဲ့ အခုပုံ မတူတာ ကျွန်တော် ဘယ်လိုလုပ် သိမလဲ ကိုလင်းရာ၊ အဲဒီပုံမှာ က ကလေးလေး ရှိသေးတာ”

“အေး ..ဟုတ်တယ်၊ ငါတောင်ရူးချင်လာပြီ”

နှစ်ယောက်လုံးတိတ်ဆိတ် သွားကြသည်။ ကောင်းထက်လင်း က စီးကရက်ထုတ်ပြီး မီးညှိလိုက်သော အခါ

“ကိုလင်း ကျွန်တော့်လဲ တလိပ်ပေး”

“ဟ … မင်း သောက်တတ်တာလဲ မဟုတ်ဘဲနဲ့”

“စိတ်ပြေလက်ပျောက် ဖွာကြည့် ချင်လို့ပါ အကိုရာ”

ဝဏ္ဏရှိန် စိတ်ချမ်းသာ စေရန် စီးကရက်တလိပ် ပေးလိုက်ပြီး မီးခြစ်ပါခြစ် ပေးလိုက်သည်။

“မင်း သူတို့ ပါတ်ဝန်းကျင် မှာကော စုံစမ်းခဲ့သေးလား”

“မေးတာပေါ့၊ ကျွန်တော်က တယောက်ထဲသွားတာ မဟုတ်ဘူး၊ အဲဒီက တပ်ရင်းမှာ တာဝန် ကျနေတဲ့ မေမေ့ တပည့် ဗိုလ်မှုးတယောက် နဲ့တူတူသွားတာ၊ သူလဲ ၀ိုင်းစုံစမ်း ပေးတယ်၊ဆွေဇင့် အိမ်က ပြောလိုက်တာ အမှန်ပဲ”

အေးစက် နေသော လဘက်ရည် ကိုမော့လိုက်၊ စီးကရက် ဖွာလိုက်လုပ်ရင်း ကောင်းထက် လင်း ဦးနှောက်ကို အလုပ်ပေးနေမိသည်။ ခုတိုင်းဆိုလျှင် သူတို့က ဆွေဇင်လတ် ဟု သိ ခဲ့ သော မိန်းကလေးသည် ဆွေဇင်လတ် မဟုတ်ပါ။ ကွယ်လွန်ပြီးသော လူတယောက်၏ နာမည်ကို အကြောင်းတခုခု ကြောင့် ခံယူထားသူ တယောက်သာ ဖြစ်တော့မည်။ သို့သော် ဆွေဇင်ဟု သူသိခဲ့သော မိန်းကလေး သည် လိမ်ညာလှည့် ဖျားတတ်သူတယောက်ဟု ကောင်းထက်လင်း စိတ်မှာ ထင်ကြည့်လို့ လုံးဝ မရပေ။

“ငါ တခု စဉ်းစားမိတယ်။ နာမည် ကို တခြားတယောက်က ယူသုံးဦးတော့ ဒီလူဟာ တစိမ်း မဟုတ်ရဘူး၊ သူက ဆွေဇင်လတ် နာမည် နဲ့ ပတ်သက်တဲ့ အကြောင်းအချက် တွေသိနေတယ်လေ”

ဝဏ္ဏရှိန် ခေါင်းညိတ်သည်။

“ကျွန်တော်လဲ အဲဒီလိုပဲ တွေးမိတယ်၊ ဟို မသင်း ဆိုတဲ့ အမက သဘောကောင်းတယ်ဗျ။ကိုလင်း လိုပဲ၊ သူက လည်း ဒီအတိုင်း တွေးမိလို့ ကျွန်တော် တို့ ပြန်တော့ နောက်က လိုက်လာပြီး သူ့အိမ်လိုက်ခဲ့ဖို့ ခေါ်တယ်၊ ကျွန်တော် တို့လဲ လိုက်သွားတာပေါ့”

“တော် သေးတာပေါ့ ကူညီမယ့် သူရှိလို့”

“ကျွန်တော့် ဆီက ဆွေဇင့် ဓါတ်ပုံ ကို သေသေချာချာ ပြန်ကြည့် ပြီးတော့၊ သူမြင်ဖူးတယ် လို့ထင်တယ် တဲ့၊ နောက် သူ့ဆီမှာ သိမ်းထားတဲ့ ဓါတ်ပုံ အယ်လ်ဘမ်ကြီး ထုတ်ပြီး ကျောင်းတုန်းက သူငယ်ချင်းတွေ၊ သူတို့ မြို့က သူငယ်ချင်း တွေ အုပ်စုလိုက် ပုံတွေရော၊ တယောက်ချင်း တွေရော ထုတ်ပြီး ရှာကြည့်ကြတာ တယောက် မှ မတူဘူး”

“ဒါဆိုရင်တော့ ဆန်းတယ်ကွ”

“ဟုတ်တယ်၊ အဲဒီ အမ လဲ တော်တော် ခေါင်းခြောက်သွားတယ်၊ သေချာအောင် ပြန်ကြည့်တာ ပါတဲ့၊ သူနဲ့ ဆွေဇင် က အိမ်နီးနားချင်း လည်းဖြစ်၊ ကျောင်းတက်တော့ လဲ တူတူ ဆိုတော့ ဆွေဇင့် မိတ်ဆွေ အပေါင်း အသင်း ဆိုတာ သူမသိတာ မရှိဘူးတဲ့”

“နောက်တော့ ဘယ်လို ဇာတ်လမ်းပြီးသွားလဲ”

“မသင်းက ကျွန်တော် ယူသွားတဲ့ ဓါတ်ပုံ ယူထားလိုက်တယ်၊ ကျွန်တော့် လိပ်စာနဲ့ ဖုန်းနံပါတ် တွေလဲ ယူထားလိုက်တယ်၊ တခုခု သူပြန်သတိရရင် ဖြစ်ဖြစ်၊ ထူးခြားတာ တွေ့ရင်ဖြစ်ဖြစ် အကြောင်းကြားမယ်တဲ့”

“လမ်းစ မပျောက်သေးဘူးပေါ့ကွာ၊ မင်းမိန်းမ က ဆွေဇင်လတ် ဟုတ်ဟုတ် မဟုတ်ဟုတ်  ပြန်တွေ့ချင်လဲ တွေ့ နိုင်တာပေါ့”

“မသင်း ကလဲ အဲဒီမျှော်လင့်ချက် နဲ့ ကူညီတာ၊ သူကိုယ်တိုင်လည်း ဒီမျက် နှာကို တနေရာရာ မှာ မြင်ဖူးတာ သေချာတယ်တဲ့”

စကားဆုံးတော့ ၀ဏ္ဏရှိန်  မောသွားဟန် ဖြင့် ရေနွေးကြမ်း ငှဲ့သောက် နေသည်။

“၀ဏ္ဏ”

“ဗျာ”

“ငါ အခုနေ မင်းမိန်းမကို လမ်းမှာ တွေ့ရင် ဘာပြောမယ် ထင်လဲ”

“မသိဘူးလေ အကိုရဲ့”

“နင်ဘယ်သူလဲ လို့ အရင်ဆုံးမေးမယ်”

ဝဏ္ဏရှိန်  ခပ်တိုးတိုးလေးရယ်သည်။ သို့သော် သူ့ရယ် သံက ချောက်ကပ်ကပ် နိုင်လှ၏။

“ဟုတ်တယ် အကို ၊ ကျွန်တော် ဆိုလဲ ဒီအတိုင်းပဲ မေးရတော့ မှာပဲ”

ကောင်းထက်လင်း ဆိုင် အပြင်ဖက်ကို လှမ်းကြည့်လိုက်မိသည်။ နေ၀င် ချိန်က တော်တော် လေးကို ရင့်အိုသွား လေပြီ။ ကြည့် နေရင်းပင် အမှောင်က ပိုပိုပြီး သိပ်သည်း လေးနက် လာ၏။

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

အပိုင်း (ခ)

ညနေကထဲက စခဲ့သော မိုးက သည်းကြီးမည်းကြီး ရွာနေသည်။ ည ကိုးနာရီ ကျော်ကျော်သာ ရှိသေးသော် လည်း သည်း လွန်းသော မိုးကြောင့် လမ်းတွေ ပေါ်တွင်ရှင်းလင်း တိတ်ဆိတ် နေ သည်။ အားလုံး နွေးထွေးသော အိမ်ထဲမှာသာ ရှိနေကြ၏။

တမြို့လုံးတိတ်ဆိတ် ငြိမ်သက်နေသလို မြို့စွန်ရပ်ကွက်ကလေးသည် လည်း အမှောင်ထု အောက်က မိုးစက်တွေ ထဲတွင် လုံးဝ လှုပ်ရှားမှု မရှိ။ မိုးအဆက်မပြတ်ရွာနေသည့် အပြင် တ ချက်တချက် တွင်လေကလည်း ခပ်ကြမ်း ကြမ်း တိုက်လာသော ကြောင့် ယိမ်းထိုး လှုပ်ရှားနေ သော သစ်ပင်များကို လျှပ်ရောင်ပြက် လိုက်ချိန်တွင် သာမြင် ရ သည်။ များသော အားဖြင့် အ မှောင် ထုကသာကြီးစိုးထား၏။

လျှပ်ရောင် တချက်ဝင်းသွားချိန်တွင် အိမ်တအိမ်၏ ခြံတံခါးတိုင် တွင်ချိတ်ဆွဲ ထားသော ပလပ်စတစ် ဆိုင်းဘုတ် ကလေး ပေါ်မှ စာကို ထင်ထင်ရှားရှားမြင် နိုင်၏။ ထူးထူးခြားခြား မဟုတ်ပါ အိမ် ရှင်၏ အမည်နာမ ကိုဖေါ်ပြထား ခြင်းသာ ဖြစ်သည်။

“ဒေါက်တာ ကောင်းထက်လင်း”

အိမ်က ရပ်ကွက်၏ အနေ အထားနှင့် သိပ်ပြီးမလျှော်လှသော ဥရောပ ပုံ တထပ်တိုက်ကလေးဖြစ်သည်။ မှန်ပြ တင်း ပေါက် များကို လိုက်ကာထူထူ ချထားသဖြင့် အတွင်းက အလင်းရောင် ကို ထောင့်နားလေး များမှာသာ တစွန်းတစ တွေ့ရသည်။

ဖွဲ့စည်းပုံ ရိုးရှင်းသော အတွင်းဖက်တွင် အခန်းကျယ်တခု ရှိ၏။ အ၀င်ဝဖက်နား တွင် ဆက်တီတစုံချထား ပြီး ကျန်နေရာ များတွင်ကြမ်းပေါ် ပြန့်ကျဲနေသော စာအုပ်ပုံ များသာရှိသည်။ ထိုစာ အုပ်ပုံများ၏ အလည်တွင် ပက်လက်ကုလားထိုင်တလုံး ရှိပြီး အသက်သုံးဆယ် ကျော် ခန့်  ရှိမည့် အသားဖြူဖြူ လူရွယ် တယောက်စာ ထိုင်ဖတ်နေသည်။ ဘေးမှာ ခုံပုလေး တလုံး ရှိပြီး ရေနွေးဓါတ်ဗူး၊ ခွက်တလုံး နှင့် ဆေးလိပ်ခွက် တင်ထားသည်။

မိုးအေးအေး တွင်ရေနွေးကြမ်းသောက်ရင်း စာဖတ်နေသော လူရွယ်၏ ဟန်သည် အေးအေး လူလူ ရှိလှသည်။ စာကို စိတ်ဝင်တစားဖတ် နေပြီး တခါတရံ လက်ထဲတွင် ကိုင်ထားသည့် မှင် ရောင်စုံ ပါသည့် ဘောပင်ဖြင့် စာကြောင်းတွေကို မျဉ်းတားသည့် အခါတားသည်။ မှင်ရောင် ပြောင်းပြီး ဘေးမှာ မှတ်သားသည့် အခါ မှတ် သားသည်။

ခဏကြာတော့ လူရွယ်ကစာအုပ်ကို ဘေးသို့ ချလိုက်ပြီး ရေနွေးကြမ်းတခွက် ငှဲ့သောက် သည်။ ရေနွေးသောက် ပြီးနောက် ဦးခေါင်း ကို ဟိုသည် ချိုးကာ အညောင်းဖြေပြီး အိတ်ထဲကစီးကရက် တလိပ်ကို ထုတ်ယူမီး ညှိနေစဉ် လူရွယ်၏ ကိုယ်လုံးဆတ်ကနဲ မတ်သွားပြီးနောက် ဆေးလိပ်နှင့် မီးခြစ် ကို ဘေးချပြီး ထိုင်နေရာ မှ ထရပ်လိုက် သည်။ နားကို အိမ်ပြင်ဖက် သို့စွင့် ထား၏။ မိုးသံတွေကြား မှာ ခြံဝဖက် ဆီက လူသံတခုက သူ့နားသို့ တိုးဝင် လာ သည်။

“ဆရာ …. ဆရာ …. ဆရာ ရှိပါသလားခင်ဗျာ”

လူရွယ်က အိမ်ရှေ့ ခြံဝ မီးတိုင်ခလုပ်ကို ဖွင့်လိုက်ပြီး ခြံဝကို လှမ်းကြည့်လိုက်သည်။ ရေတွေရွဲနေသည့် လူတ ယောက် ခြံဝမှာ ရပ်နေသည်။ ထီးလည်း မပါ။ လက်နှစ်ဘက်ကို ပိုက်ရင်း ရပ်နေ၏။ တော်တော် ချမ်းနေပုံလဲရ သည်။

မိုးသည်းထန်နေသည့် ကြားမှ ရောက်လာခြင်းက အကြောင်းတစုံတရာ ရှိမည်ဟု တွေးမိသောလူရွယ် က အိမ်ထဲ ပြန်ဝင် ပြီးထီးတလက် ယူကာ အပြင်သို့ ထွက်လာခဲ့သည်။ ခြံဝ တွင်ရပ်နေသူမှာ အသက် နှစ်ဆယ်ကျော်ခန့် ရှိ မည့် လူငယ်တယောက် ဖြစ်သည်။

“ဘာကိစ္စ ရှိလို့လဲ”

“ကျွန်တော့် မိန်းမ ဗိုက်နာနေလို့ပါဆရာ၊”

“ဗျာ”

“ဟိုဒင်း ကလေးမွေးဖို့ပါ”

လူရွယ်သဘောပေါက်သွားပါသည်။

“ကျွန်တော်က ဆရာဝန် မဟုတ်ဘူးခင်ဗျ”

“ဟုတ်ကဲ့ အဲဒါဆိုလည်း ဆရာ နဲ့ တွေ့ပါရစေ အကိုကြီးရယ်၊”

“ဘယ်ဆရာ ကိုပြောတာလဲ”

“ဒေါက်တာ ကောင်းထက်လင်း ကိုပါ”

ထိုအချိန်တွင် လျှပ်ရောင်လက်လိုက်သဖြင့် ဆိုင်းဘုတ်ကလေး က ထင်ရှားစွာ ပေါ်လာပြန် သည်။

“ကောင်းထက်လင်း ဆိုတာ ကျွန်တော်ပါ။ ဒါပေယ့် ကျွန်တော် ဆရာဝန် မဟုတ်ပါဘူး”

“ဒါဆို … ဟိုဟို”

စိတ်ပျက်ခြင်း၊ နားမလည် နိုင်ခြင်းတွေကို လူငယ်လေး မျက်နှာ ပေါ်မှာ ကောင်းထက်လင်း မြင်လိုက်ရသည်။ ခု လို အရေးကြီး နေသည့် အချိန်မှာ သူဘယ်လို ဒေါက်တာ အမျိုးအစား ပါဟု ရှင်းပြနေလို့လည်း အချိန် ကုန်တာ အဖတ်တင်မည်။ သူ့ထံသို့ အားကိုးတကြီး ရောက်လာသူ ကိုလည်း အားနာ မိသောကြောင့်

“ဒါပေမယ့် ကျွန်တော်ကူညီပါ့မယ်၊ ခင်ဗျားလဲ ရွှဲနေပြီ၊ ကျွန်တော့် ကားနဲ့ ဆရာဝန်ဆီ လိုက်ပို့ပေး မယ် ဟုတ် လား၊ ခနစောင့်”

ကောင်းထက်လင်း အိမ်ဖက်ပြန်ပြေးလာပြီး အိမ်တံခါးကို ပိတ်လိုက်သည်။ အိမ်ဘေး အဖီ ထဲက သူ့ကားစုတ် လေးကို မောင်းထုတ်လာခဲ့သည်။ ဃကြီးနံပါတ်တပ် ရှေးဟောင်းကား လေးက ခုလိုမိုးအေးအေး မှာ တချက်ထဲ စက်နိုး သွားတာကိုသူအံ့သြမိ၏။ ခြံတံခါးကို ကောင်း ထက်လင်း ဖွင့် သည် ကိုလူငယ် ကကြောင်ကြည့်နေ၏။ ကားပေါ်ပြန်တက်ပြီး ခြံပြင်ကို မောင်း ထွက်လာတော့ လူငယ်လေးက ကပျာကသီတံခါးကို ပြေးပိတ်သည်။

“မြန်မြန်လာ”

လူငယ်လေး ကားထဲရောက်ချိန်တွင်

“ခင်ဗျားသိတဲ့ ဆရာဝန်ဘယ်မှာ ရှိသေးလဲ၊ ကျွန်တော်က ဧည့်သည်ဗျ၊ ဘယ်ကို ပို့ပေးရ မလဲ”

“မြို့ထဲဖက်မှာတော့ ဆေးခန်းတွေ ရှိတယ် အကိုကြီး၊ ဒါပေမယ့် ခုလောက်ဆို ပိတ်ပြီထင် တယ်”

“ဆေးရုံကရော ဘယ်မှာလဲ၊”

“ဆေးရုံက မြို့ဟိုဖက်ထိပ်မှာ”

ကောင်းထက်လင်း စဉ်းစားသည်။ ဆေးရုံမှာတော့ ဆရာဝန် ရှိပေမည်။ မရှိလျှင်လည်း ကျွမ်းကျင်သော သူနာပြု ဆရာမများရှိသည်။ သို့သော် သူတို့က အိမ်လိုက်ပြီး မွေးပေး ဖို့က မဖြစ်နိုင်ပါ။

“ခင်ဗျား အိမ်က ဘယ်မှာလဲ”

“ချောင်း ကွေ့ မှာပါ အကိုကြီး”

အဲဒီဖက်ကို တော့ ကောင်းထက်လင်း သိသည်။ မြို့ နှင့် ထိစပ်နေသော ရွာကလေးဖြစ်၏။ ကောင်းထက်လင်း အိမ်မှဆိုလျှင် သိပ်မဝေးလှ၊ ဆေးရုံထက်စာလျှင် ပိုနီးသည်။

“ဒါနဲ့ ခင်ဗျားနာမည် ဘယ်လိုခေါ်တုန်း”

“မောင်မောင်ထွေးပါ”

“ဟုတ်ပြီ ကိုမောင်မောင် ထွေးကျွန်တော် ပြောမယ်၊ ခင်ဗျားအိမ်က သိပ်မဝေးဘူး၊ ဒီတော့ ကျွန်တော့် ကားနဲ့ ခင်ဗျားမိန်းမ ကို သွားပြန်ခေါ် ပြီးဆေးရုံ ပို့မယ်၊ ဆေးရုံက ဆရာဝန်ကသွားပင့်လို့ အဆင်ပြေမှာ မဟုတ်ဘူး”

“အကိုကြီး အဆင်ပြေသလို လုပ်ပါ၊ ခုလို ကူညီတာလည်း အရမ်းကျေးဇူးတင်ပါတယ်”

“ရပါတယ်ဗျာ၊ အခက်အခဲ တွေ့နေတဲ့ သူကို မကူညီလို့ ဘယ်ဖြစ်ပါ့မလဲ”

မောင်မောင်ထွေး အိမ်က သိပ်မဝေးလှ ဟု ဆိုသော်လည်း ဆယ့်ငါး မိနစ် လောက်မောင်းရသည်။ သူတို့နေတာ ကလည်း ချောင်းနှင့် နီးပြီး အစွန်အဖျားကျလှသည်။ ကံကောင်းသည် ဆိုနိုင်ပါသည်။ မောင်းလာရင်း မိုးက တ ဖြည်းဖြည်းစဲ သွား၏။ မောင်မောင်ထွေးတို့ အိမ်ရှေ့နားရောက်ချိန် တွင် မိုး တဖျောက်ဖျောက်ကလေးသာ ကျ တော့သည်။ အိမ်ရှေ့ထိတော့ကားဝင်လို့ မရ၊ ပန်းပင်တွေ စိုက်ထားသော ပန်းအိုးတွေကြောင့် လူသွားလမ်းလေး လောက်သာ နေရာရှိသည်။ ကားရပ်လိုက်သည် နှင့် မောင်မောင်ထွေးက ခုန်ချလိုက်ပြီး

“မိနွယ်ရေ၊ မိနွယ်ရေ ဆေးရုံသွားကြမယ်ဟေ့”

မိန်းမ ကိုလှမ်းခေါ်ရင်း အိမ်ဖက်ဆီသို့ ပြေးသည်။ ကောင်းထက်လင်း က စက်ကို မရပ်ဘဲလမ်းကလေး ကိုသူတို့ လာလျှင် မြင်နိုင်စေရန် ရှေ့မီးကြီး တွေ ထိုးပေးထားလိုက် ပြီးနောက်လိုအပ်လျှင်လည်း ကူညီနိုင်ရန် ကားပေါ်က ဆင်း ပြီးအိမ်ဖက်သို့ လိုက်လာခဲ့သည်။ ကောင်းထက်လင်း မီးထိုးပေးထားသည့် တိုင် စိုးရိမ်စိတ်ဖြင့် လောကြီး နေသော မောင်မောင်ထွေးက ပန်အိုးတလုံးကို ခလုပ်ဝင်တိုက်ပြီး ဒလိမ့်ခေါက်ကွေး လဲကျသွားသည်။

“ကိုယ့်ဆရာ ဖြေးဖြေး၊ ဖြေးဖြေး၊ တော်ကြာ ခင်ဗျားပါ ဆေးရုံတက်နေရဦးမယ်”

ကောင်းထက်လင်း ပြေးသွားပြီး မောင်မောင်ထွေးကို ထူလိုက်ရသည်။ ထိုအချိန် တွင် အိမ်တံခါးဝ တွင်လူရိပ်တ ခုလိုလို မြင်လိုက်ရပြီး ပျောက်သွားသည်။

“မိနွယ်၊ ဘယ်လိုနေသေးလဲ”

မောင်မောင်ထွေးက လူးလဲထပြီး အိမ်ဖက်သို့ ခပ်သုတ်သုတ် ပြေးပြန်သည်။ ကောင်းထက် လင်း လည်းနောက် ကနေ ထပ်ချပ်လိုက်ပါသွား၏။အိမ်ရှေ့ခန်း တွင်ဘက်ထရီ မီးချောင်းလေး တချောင်း လင်းနေပြီး လူသူတိတ် ဆိတ် နေ၏။မောင်မောင်ထွေးကတော့ သူ့ မိန်းမ ကို တကြော်ကြော် ခေါ်ရင်း အိပ်ခန်းထဲ ၀င်သွားသည်။

ပြီးတော့ ချက်ချင်းလိုလို ပြန်ထွက်လာသည်။

“အခန်းထဲမှာ မရှိဘူး၊ ဘယ်ရောက်နေသလဲ မသိဘူး”

ခုနက လူရိပ်လိုလို မြင်လိုက်ရသော ကောင်းထက်လင်း က အိမ်ထဲတွင် မျက်လုံးကစားကြည့်လိုက်ရာ ဘုရားစင် ရှေ့ ကြမ်းပြင်ပေါ်တွင်ချထားသော အထုပ်ဖြူဖြူ လေးတခုကို မြင်လိုက်ရ၍ ဘာရယ်မဟုတ် ပြေးကြည့်လိုက်မိ သည်။အနှီးဖြင့် လုံခြုံစွာ ထုပ်ထားသော မွေးကင်းစ ကလေး ငယ်လေး ဖြစ်နေ၏။

“ကိုမောင်မောင်ထွေးရေ ဒီမှာ ကလေးလေးဗျ”

ကယောင်ကတန်းဖြင့် မောင်မောင်ထွေး ပြေးလာပြီး ကလေးကို ကောက်မလိုက်ရာ ကလေး လန့်ပြီး ထငို တော့သည်။

“မိနွယ် မွေးတောင်ပြီးသွား ပြီ နင်က ဘယ်ရောက်နေတာလဲ ဟ”

ကလေးကို အငိုတိတ်လို တိတ်ငြားတလှုပ်လှုပ် နှင့် ချော့ရင်း မောင်မောင်ထွေးက အိမ်ထဲ တွင်လိုက်ရှာ နေသည်။ သွေးနုသားနု မှာ တစုံတရာဖြစ်ပြီး လဲနေသလား ဟု စိုးရိမ်စိတ်ဝင်သွား မိ သော ကောင်းထက်လင်း လည်း သူနဲ့ အတူရှာမိ၏။

သုံးပင်နှစ်ခန်း အိမ်ကလေးက ကျဉ်းပါသည်။ လူတယောက်လဲကျနေလျှင် လည်း တွေ့ ရန်မခက်ပါ။ သွေးပူနေ သော မောင်မောင်ထွေးက သတိမပြု မိသော်လည်း နောက်ဖေးက တံခါးပွင့် နေသည်ကို ကောင်းထက်လင်း သတိပြုလိုက်မိသည်။ ထို့ကြောင့် ပွင့်နေသော တံခါးဆီသို့ပြေးလာခဲ့သည်။ မောင်မောင်ထွေးလဲ ကလေး ပိုက်ပြီး နောက်က လိုက်လာသည်။နောက်ဖေးတံခါး ကနေ အပြင်ကိုထွက်လိုက်ချိန်တွင် တဝေါဝေါ အသံ တွေကြားရ၏။

“ဘာသံတွေတုန်းဗျ”

“ချောင်းရေ စီးတာလေ၊ နောက်ဖက်မှာက ချောင်း”

မောင်မောင်ထွေးစကားကြောင့် ကောင်းထက်လင်း ချောင်းဖက်သို့ လှမ်းအကြည့်တွင် အဖြူရောင် အရိပ်တခုကို မြင်လိုက်ရသည်။ သူအခုနက တံခါးဝတွင် မြင်လိုက်ရသည်က လည်း ဒီလိုအရိပ်ပင်။

“ဟိုမှာ … ဟိုမှာ”

မောင်မောင်ထွေးလဲ မြင်သွား၏။ ထိုအချိန်မှာ ပင်အဖြူရောင် အရိပ်က လွင့်ကနဲ ပျောက်သွား၏။

“မိနွယ်ရေ၊ နင်ဘာလုပ်တာလဲ”

အရိပ်မြင်လိုက်ရာ ဆီသို့ မောင်မောင်ထွေး နှင့် အတူ ကောင်းထက်လင်း ပါပြေးသွားကြ သည်။ ကလေးပွေ့ ထားသော မောင်မောင်ထွေးက နောက်မှာ ကျန်ခဲ့ပြီး ကောင်းထက် လင်းရှေ့ရောက်သွား၏။

“အကိုကြီး ရှေ့က ချောင်းနော်”

မောင်မောင်ထွေး သတိပေးလိုက်သလို ဝေါဝေါ ဆူညံနေသော ရေသံကြောင့် ကောင်းထက် လင်း ခြေလှမ်း တွေတုံ့ပြီး ရပ်လိုက်မိသည်။ စောစောက သူတို့ လူရိပ်ကလေး မြင်ခဲ့ ရသောနေရာသည် ချောင်းကမ်းပါး ဖြစ်လို့နေ၏။

“မိုက်လှ ချေလားမိနွယ်ရယ်”

မချိတင်ကဲ ပြောရင်း မောင်မောင်ထွေး က ချောင်းထဲသို့ သူပါ ခုန်ချလိုက်တော့ မလိုလုပ်ပြီးမှ ကလေးက အော် ငိုလိုက်ပြန်သော ကြောင့် ကလေးကို ငုံ့ကြည့်ရင်း ကမ်းပါးမှာ ထိုင်ချလိုက်သည်။အမှောင်ထုထဲမှာ ချောင်း ရေ ဖွေးဖွေး ကို ရိုးတိုးရိပ်တိတ်သာ မြင်ရသည်။ တဝေါဝေါ နှင့် အရှိန် ပြင်းစွာ စီးဆင်းနေသော ရေသံကိုသာပီပီသသ ကျယ်လောင်စွာ ကြားနေရသည်။

“ကိုမောင်မောင် ထွေး၊ ကလေး ဘေးဖြစ်မယ်ဗျာ၊ အိမ်ပြန်ရအောင်၊ ကျွန်တော်တို့မျက် စေ့ မှားတာလဲဖြစ်ချင် ဖြစ်မှာပါ”

မောင်မောင်ထွေးကို ဆွဲထူရင်း ကောင်းထက်လင်း ပြောလိုက်သည်။

“ဟုတ်မယ် အကို၊ ညနေက မိနွယ်ဝတ်ထားတာ အဖြူ မဟုတ်ဘူး၊ အညို ကွက်ကလေး ၀တ်ထားတာ”

သူ့ကိုယ်သူ စိတ်ဖြေသလား၊ကောင်းထက်လင်း စကားကိုပဲ လက်ခံလိုက်လေသလား မသိရ သော်လည်း မောင်မောင်ထွေး အိမ်ဖက်သို့ ပြန်လိုက်လာသည်။

“ခင်ဗျားတို့ အိမ်နီးနားချင်း တွေ နှိုးပြီး အကူအညီတောင်းကြတာပေါ့ဗျာ”

“အကိုကြီး လဲ ဆွမ်းခံရင်း ငှက်သင့်နေပြီ”

“ရပါတယ်ဗျာ၊ ဒီလို ကူညီရတာ ကျွန်တော့် အတွက်ဘာမှ အပန်းမကြီးပါဘူး”

အိမ်နီးနားချင်း တွေကို နှိုးရန် မလိုတော့ပါ။ မောင်မောင်ထွေး အော်သံတွေ ကြောင့် ပြေးလာကြသော အိမ်နီးချင်း တချို့က အိမ်ရှေ့တွင်ရောက် နှင့်နေကြလေပြီ။

မြန်မာတို့၏  ခင်မင်ဖွယ်ကျေးလက်ဓလေ့ကို ကောင်းထက်လင်းချက်ချင်း သတိပြုမိလိုက် သည်။ မောင်မောင် ထွေး နှင့် ကောင်းထက်လင်း အိမ်ရှေ့ရောက်သည် နှင့် ရောက်နေ နှင့်သော လူစုထဲမှ အမျိုးသမီးကြီးတယောက် ထွက်လာပြီး မောင်မောင် ထွေးလက်က ကလေးကို လွှဲပြောင်းယူလိုက်သည်။ ငိုနေသော ကလေးကို ချော့ရင်း အိမ်ပေါ်တက်သွား၏။ သူ့နောက် နောက်ထပ်မိန်းမ နှစ်ယောက်ပါလိုက်သွားကြသည်။

ကျန်နေရစ်သော ယောက်ျားကြီးသုံးလေး ယောက်ခန့်ကို မောင်မောင်ထွေးက အကျိုးအ ကြောင်း ရှင်းပြနေစဉ် မှာ ကောင်းထက်လင်းလည်းဘာလုပ်ရမှန်းမသိ၍ ဒီတိုင်းရပ်နေမိသည်။ အကြောင်းစုံ သိပြီးသွားသည့်နောက် အိမ်ပေါ်က ပြန်ဆင်းလာသော မိန်းမတယောက် နှင့်ယောက်ျားတယောက်က ခပ်သုတ်သုတ် ထွက်သွား ကြ သည်။ ကောင်းထက်လင်း ကားစက်မသတ်ရသေးတာကို သတိရပြီး ကားဆီ အသွားတွင် မောင်မောင်မောင်ထွေး ပြေးလိုက်လာသည်။

'အကိုကြီးပြန်တော့ မလို့လား'

'မပြန်သေးပါဘူး စက်ရပ်မလို့'

ကောင်းထက်လင်းစက်ရပ်ပြီး မီးပိတ်ကာ လူအုပ်ဆီပြန်လာခဲ့၏။ မကြာမှီပင် ခုနထွက် သွား ကြသူ နှစ်ယောက် ၏ သတင်းပေးမှု ကြောင့် ထင်သည်လက်နှိပ်ဓါတ်မီးတွေ တ၀င်းဝင်း နှင့် လူအတော်များများရောက်လာကြသည်။ ကြိုတင်ရောက် နေနှင့် သူများထဲမှ အသက်ကြီးကြီး အဖိုးကြီးတယောက်က သူတို့ကို စီမံခန့်ခွဲပြီး မောင်မောင် ထွေးဇနီးကို ရှာဖွေဖို့ ပြင်ကြသည်။ ရှာမယ့်သူတွေ ထွက်သွားတော့မှ အဖိုးကြီးကကောင်းထက်လင်း ဆီ လျှောက် လာ၏။

'လာပါ၊ အိမ်ပေါ်မှာ ထိုင်နေပါဦး ဆရာလေး'

အခြေအနေ ကိုသိချင်သောကြာင့် စောင့်နေချင်သည့် ကောင်းထက်လင်းလည်း အဖိုးအို နှင့် အတူ အိမ်ပေါ် တက်လာခဲ့သည်။ အိမ်ရှေ့ခန်းမှာ ငူငူကြီး ထိုင်နေသော မောင်ထွေးသာရှိ သည်။ အခန်းထဲဖက်မှာတော့ မိန်းမတွေ နှင့် ကလေး အသံကြားရသည်။

'ကလေးက ယောက်ျားလေးလား မိန်းကလေးလားမောင်ထွေး'

အဘိုးကြီးက မေးလိုက်တော့မှ မောင်မောင်ထွေးလည်း အိပ်မက်က လန့် နိုးသလို ဖြစ်သွားပြီး

'ဟုတ်ပါရဲ့ အဘရာ၊ ကျွန်တော်မေ့နေတာ၊ ကလေးက ဘာလေးတုန်းကြီးတော်ရေ'

'မိန်းကလေးဟဲ့၊နင်က ဒါတောင် မသိဘူးလား'

အတွင်းခန်းထဲက မိန်းမတယောက်ကပြန်ဖြေသည်။

'မိနွယ်လိုပဲ နှာတံပေါ်ပေါ်လေးနဲ့၊ နင်နဲ့ မတူဘူး'

နောက်ထပ်တသံပါကြားရသည်။

'ဟေ့မောင်ထွေး၊ ဧည့်သည်ဖို့ အကြမ်းအိုးလေးဘာလေး ချလေကွာ၊ စိတ်အေးအေးထား၊ ဟိုကောင်တွေ ရသမျလူစု ပြီး ဒီနားတ၀ိုက်တောနင်း ရှာလိမ့်မယ်၊ ဒီဆရာလေး လဲအား နာမိပါရဲ့'

'မဟုတ်တာအဘရယ်၊ ကျွန်တော်လဲ ကြုံကြိုက်လို့ ကူညီဖြစ်တာပါ'

'မောင်ထွေး အမေ မခင်စိန်ကလည်း သူ့အမျိုးနာရေးကိုညအိပ်သွားနေတယ်လေ၊ မိနွယ်လေး မွေးဖို့ကလဲ လိုသေးတယ် ပြောကြလို့၊သူကလဲ စိတ်ချလက်ချသွား၊ တို့များတွေလဲ ပေါ့ မိကြတာ၊ မောင်ထွေးကလည်း ဆရာဝန်ပင့်သွားမယ် ဆိုလဲ အနီးအနား အသံပြုသွားတာ မဟုတ်ဘူး'

'အော်တယ် အဘရဲ့၊ မိုးသံလေသံ နဲ့ မကြားကြတာဖြစ်မယ်၊ ကျွန်တော်ကလဲ ကိုယ့်ဇောနဲ့ ကိုယ်ဆိုတော့ တန်းသုတ် တော့တာ'

ရေနွေးကြမ်းအိုးလာချပေးရင်း မောင်မောင်ထွေးက ၀င်ပြောသည်။ ခုချိန်မှာတော့ သူ့စိတ်သူ ထိန်း နိုင်သွား ပုံရသည်။ တည်တည်ငြိမ်ငြိမ် ပြန်ဖြစ်လာ၏။ထိုအချိန်မှာ မောင်ထွေးလက်ထဲက ကလေးကို အရင်ဆုံး လာ ပွေ့ယူသွားသော မိန်းမကြီး အခန်းထဲက ပြန်ထွက်လာသည်။

'အဆင်ပြေသွားပါပြီ ကလေးကတော့၊ အချောလေး မောင်ထွေးရေ၊ မိနွယ်နဲ့ ချွပ်စွပ်ပဲ၊ မင်းအားရှိသေးရင်တော့ ချက်ကြိုး မြေသွားမြုပ်လိုက်ပါကွယ်'

'ဟုတ်ကဲ့'

မောင်ထွေးချက်ချင်းထပြီးအခန်းထဲ ၀င်သွားသည်။

'ဦးလေးလှ၊ဘယ်လိုထင်သလဲ'

မောင်ထွေး အတွင်းဖက်ပျောက်သွားတော့မှ မိန်းမကြီးက အဖိုးကြီးကို မေးသည်။

'ငါလဲ မထင်တတ်ဘူးဟဲ့၊ ဒီဆရာလေးကို မေးကြည့်ပါလား၊ သူက မောင်ထွေးနဲ့ အတူ လာ တာ ဆိုတော့'

'မောင်ထွေးဆရာဝန်နဲ့ မှားခေါ်လာတယ်ဆိုတာလား'

'ဟုတ်ကဲ့ခင်ဗျ၊ ကျွန်တော်က ကားနဲ့ ဆေးရုံပို့ပေးမယ် ဆိုပြီးကူညီဖို့လိုက်လာတာ၊ ဒီရောက်တော့ လူပျောက်မှု နဲ့တိုးနေတယ်'

'ချောင်းစပ်မှာ လူရိပ်မြင်တယ်ဆို'

'လူရိပ်လိုလိုတော့ တွေ့တယ်ခင်ဗျ၊ မှောင်ကလဲ တအားမှောင်နေတော့ သဲသဲကွဲကွဲတော့ မဟုတ်ဘူး'

ထိုအရိပ်ကို သူတို့ဝင်လာစဉ်က အိမ်ဝမှာတွေ့သည့် အကြောင်းကိုတော့ ဘာကြောင့် မှန်းမသိ ကောင်း ထက် လင်းထည့်မပြောမိပါ။

'သူပြောသွားတဲ့ အတိုင်းဆိုရင်တော့ မခင်စိန်က မနက်ဖြန်ညနေ လောက်ပြန်ရောက်မယ် မှန်းတာပဲ'

'အင်း ... ဒါဆိုရင်တော့ ကလေးအမေဖြစ်ဖြစ်၊ မိခင်စိန် ဖြစ်ဖြစ် ပြန်မလာသေးခင် နင်နေပေး လိုက်ဟာ'

'နေပေးမှာပါ ဦးလေးလှရယ်၊တရုပ်မ ကိုတောင်မှာထားသေးတယ်၊ကလေးနို့လာတိုက်ပေးဖို့၊”

မိန်းမကြီးက ကောင်းထက်လင်းဖက်ကို မျက်လုံးတချက်စွေကြည့်ရင်း

“တယောက်ထဲ လဲဖြစ်၊ မိုးတွေလေတွေကြား မှာ သားဦး မွေးရတာဆိုတော့ သွေးလန့်ပြီး စိတ်ဖေါက်သွား တာမျိုး ဖြစ်မှာစိုးတယ် ဦးလေးလှရေ”

“ညည်းက ချောင်းထဲ စိတ်ဖေါက်ပြီးခုန်ချသွားတယ် ထင်လို့လား”

“ဖြစ်နိုင်ချေ တွေးကြည့်တာ ပါဦးလေးလှရယ်”

“ရပ်ကွက်ရုံးမှာ သတင်းပို့ ထားရင်ကောင်းမယ် ထင်တယ်”

ကောင်းထက်လင်း အကြံပေးလိုက်တော့ အဖိုးအိုကပြုံးသည်။

“ဦးလေး လှက ကျေးရွာဥက္ကဌလေ”

မိန်းမကြီးက၀င်ဖြေသည်။

“ဟာ …ဒါဆိုရင် အဆင်ပြေတာပေါ့”

“ချောင်းထဲ မဆင်းရင်တော့ တွေ့လောက်ပါတယ် ဦးလေး လှရယ်။ လောလောလတ်လတ် မီးဖွားထားတာ သွေး လန့်ပြီး လျှောက်ပြေးဦးတော့ ဝေးဝေး ပြေးဖို့ အားမရှိပါဘူး”

ဒီလိုပဲဖြစ်စေဖို့ ကောင်းထက်လင်း ဆုတောင်းပါသည်။ သို့သော် အိမ်ဝမှာမြင်သည့် လူရိပ်နှင့်ချောင်းစပ် မှာ မြင်ရသည့်လူရိပ် တူတူလို့ သူ့စိတ်မှာ ထင်နေမိသော အခါ မောင်မောင်ထွေးနှင့် ကလေးငယ်အတွက်စိတ်မချမ်း မသာ ဖြစ်ရသည်။ကောင်းထက်လင်းတို့ စကားကောင်းနေကြစဉ် မောင်မောင်ထွေးပြန်ရောက်လာသည်။

“ဟဲ့ မောင်ထွေး ကလေးကြည့်ခဲ့ပြီးပြီလား”

“ကြည့်ပြီးပြီ ကြီးတော်၊ ဒီမှာလဲ ဦးလေးလှ တို့ရှိနေတော့ ကျွန်တော်လဲ အပြင်ထွက်ကြည့်ချင်တယ်”

“ဒါဆို ကျွန်တော်လဲ လိုက်မယ်လေ၊”

ထိုင်စောင့်နေရတာကို စိတ်မရှည်ချင်သလို ဖြစ်နေသော ကောင်းထက်လင်း လည်း တက် ကြွစွာ ထိုင်ရာကထ လိုက်မိသည်။ သို့သော် ထိုအချိန်မှာပင် မိုးက တဖျောက်ဖျောက် ပြန်ကျလာ၏။

“နေပါဦးမောင်ထွေးရာ၊ ဒီဆရာလေးလဲ မိုးမိပါမယ်၊ မိုးက ပြန်သည်းမလား မဆိုနိုင်ဘူး”

“ကျွန်တော် ဒီတိုင်းထိုင်မနေချင်ဘူး ကြီးတော် ရဲ့”

ပြောနေကြစဉ် မှာပင် မိုးကပြန်သည်းလာ၏။ လိုက်ရှာသော အဖွဲ့တွေလည်း တဖွဲဖွဲ ပြန်ရောက်လာသည်။ မိုးစိုနေ သည်ကို အကြောင်းပြပြီး အထဲသို့ မ၀င်ကြ။ ဦးလေးလှ ဆိုသောရွာလူကြီးက အောက်ဆင်းပြီး စကားပြောသည်။ ခနနေတော့ မိုးသည်းသည်းမှာ သူတို့တွေ ပြန်ထွက်သွားကြပြန်၏။

မောင် မောင်ထွေးက ဗီရိုတလုံးဖက်သို့ ထသွားပြီး ဓါတ်ပုံလေး တပုံယူလာကာ ကောင်းထက် လင်းကိုပြသည်။

“အဲဒါမိနွယ်လေ”

ကောင်းထက်လင်း ဘက်ထရီမီး မှိန်မှိန် အောက်မှာ ဓါတ်ပုံလေးကို ကြည့်နေစဉ် မောင် မောင်ထွေးထိုင်နေရာ မှ သုတ်ကနဲထပြီး အိမ်အောက်သို့ဆင်းသွားသည်။ ကောင်းထက်လင်း နှင့် လူကြီးနှစ်ယောက် ကြောင်ကြည့် နေ မိချိန် မှာပင် မောင်ထွေး အမှောင်ထု ထဲသို့ တိုးဝင် ပျောက်ကွယ်သွား၏။

“မိနွယ်ရေ၊ မိနွယ်ရေ”

မှောင်နှင့် မည်းမည်း မိုးရွာကြီးထဲမှာ အဆောင်းမပါ မီးမပါဘဲ ထွက်သွားရှာသော မောင်မောင်ထွေးအသံက အိမ်ဖက် ဆီသို့ လွင့်ထွက်လာသော အခါ အိမ်ပေါ်မှာ ရှိနေသူများ သက်ပြင်းကိုသာချမိကြတော့သည်။

Xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

ညက ညည့်နက်မှ အိပ်ရသောကြောင့် ကောင်းထက်လင်း နိုးလာချိန်မှာ မနက်ရှစ်နာရီကျော် နေလေပြီ။အိပ်ရာက နိုးနိုးခြင်း ကောင်းထက်လင်း အရင်ဆုံးသတိရမိသည်မှာ မောင်မောင် ထွေး ၏ အကြောင်းဖြစ်သည်။ ကောင်မ လေး ကို ပြန်တွေ့မတွေ့သိချင်နေမိ၏။ ထို့နောက် သတိရမိသည်က ရဲအရာ ရှိကို မြင့်ဆွေ ဖြစ်သည်။ ခြံဝက ဒေါက် တာကောင်းထက်လင်း ဆိုသည့် ဆိုင်းဘုတ်ကို လာတပ်ပေးသွားသည်မှာ ကိုမြင့်ဆွေ ဖြစ်၏။

လူပျောက်မှု ဆိုလျင်ရဲ အရေးပိုင်သည်ဖြစ်ရာ အကယ်၍သာ ညတုန်းက မောင်မောင်ထွေးတို့ လူပျောက် တိုင်ခဲ့လျင် ကိုမြင့်ဆွေဆီက သတင်းအစအန ရနိုင်သည်။ရေချိုး အ၀တ် အစားလဲ ပြီး နောက် သိပ်မဝေး လှ သောရဲစခန်းဖက်ဆီသို့ လမ်းလျောက်ထွက်လာခဲ့သည်။ မိုးတိတ် နေပြီ ဖြစ်သော်လည်း တိမ်တွေကတော့ အုံ့မှိုင်းနေသေး၏။ နေရာင် ကိုပင်ကောင်း ကောင်း မမြင်ရသေးပါ။

ဟိုရောက် တော့မှ ကိုမြင့်ဆွေကို ခေါ်ပြီး မနက်စာတခုခု သွားစားဖို့ ကောင်းထင်လင်း စိတ်ကူးထား၏။ ကိုမြင့် ဆွေကို ရဲစခန်းဝင်းအတွင်းရှိသူ့အိမ်မှာပင် ဆိုက်ဆိုက်မြိုက်မြိုက် တွေ့သည်။ ယူနီဖေါင်း အပြည့် အစုံဝတ် ထားပြီး အလုပ်ဆင်းဖို့ ပြင်နေသည်ကို တွေ့ရ၏။

ကိုမြင့်ဆွေက ယူနီဖေါင်းသာဝတ်မထားလျင် ရဲအရာရှိနှင့် လုံးဝမတူပါ။ အသားညိုညို လူကခပ်ဖိုင့်ဖိုင့် နှင့် အညာ သား ဆန်ပွဲစား၊ ဆီပွဲစားကြီးပုံပေါက်သည်။ ကိုမြင့်ဆွေက ကောင်းထက်လင်း၏ မိဘများနှင့် တရပ်ထဲ တနယ်ထဲ သားဖြစ်သည်။ ဆွေလိုမျိုးလိုလည်း ခင်မင်ကြ၏။ ဒီမြို့လေးမှာ ကောင်းထက်လင်း အိမ်ဝယ်ဖြစ်တာကလည်း ကိုမြင့် ဆွေ ကြောင့်ပင်။ အလုပ်ကိစ္စ ဖြင့်လာရင်း ဒီမှာတာဝန်ကျနေသော ကိုမြင့်ဆွေ နှင့် ပြန်ဆုံဖြစ်ပြီး အေး အေး ချမ်းချမ်း နေလိုသောအခါ လာနေနိုင်ရန် ကိုမြင့်ဆွေ တိုက်တွန်းချက်အရ ယခုအိမ်လေးကို ၀ယ်ဖြစ်သည်။ သူနေ သော စခန်းနှင့် လည်း မလှမ်းမကမ်း မှာရှိ၍ ကောင်းထက်လင်း တခြားမှာ နေနေချိန်များ တွင်ကိုမြင့် ဆွေက စောင့်ရှောက်ပေးထားသည်။

ကောင်းထက်လင်း အေးအေးဆေးဆေး စာရေးစာဖတ်လုပ်လို၍ အခုတခေါက်ရောက်လာပြီးရက်ရှည်ကြာနေမည် လုပ်သော အခါ ကောင်းထက်လင်း ဘယ်သူဘယ်ဝါမှန်းသိစေရန်ဟု နာမည်ဆိုင်းဘုတ် လုပ်ပြီးလာတပ်ပေး သွား ရာ မှ မောင်မောင်ထွေးက ဆရာဝန်ထင်ပြီးလာခေါ်သည့် အဖြစ်သို့ ရောက်ခဲ့သည်။

'ဒေါက်တာကြီး၊ ထမင်းစားပြီးပြီလား'

'လာပြန်ပြီဒီဒေါက်တာ၊ မစားရသေးဘူးဗျ'

ကောင်းထက်လင်းက ကိုယ့်အဓိပ္ပါယ်နှင့်ကိုယ် ပြောသည်ကို ကိုမြင့်ဆွေနားမလည်သော် လည်း တဟဲဟဲ ရယ်ရင်း

'ကိုယ် အလုပ်သွားတော့မလို့၊ မကြာဘူး အခြေအနေကြည့် ပြီးပြန်လာခဲ့မယ်၊ မနက်စာ ဒီမှာပဲစား'

အိမ်ရှေ့မှာကစားနေသော သူ့သားနှစ်ယောက်ကို လှမ်းခေါ်ပြီး ကောင်းထက်လင်း အတွက် မုန့်ဝယ်ခိုင်း လိုက်သည်။

'မိန်းမရေ၊ ကိုလင်း အတွက်ကေိာဖီဖျော်ဟေ့၊ ခနလေးပဲ ကိုလင်း ပြန်လာခဲ့မယ်'

'ကိုမြင့်ဆွေ ခင်ဗျား စခန်းရောက်ရင် ညတုန်းက လူပျောက်တိုင်တာ ရှိမရှိမေးပေးပါဗျာ၊ ရှိရင်လည်း အခြေအနေ သိချင်တယ်”

'ဘာဖြစ်လို့လဲဗျ'

'နောက်မှ ပြောပြမယ်၊ အဲဒါမေးခဲ့၊ ဟိုဖက်ချောင်းကွေ့ဖက်က အမှု'

'အားလားလား အဆန်းပါလား၊ လက်စသတ်တော့ ဒေါက်တာကြီး ဒီကို စာရေးဖို့လာတာ မဟုတ်ဘဲ စုံထောက် လာလုပ်တာ ကိုး'

'အဲဒါ သာမေးခဲ့ပါ ကိုမြင့်ဆွေရယ်'

ကိုမြင့်ဆွေ သွားပြီးနောက် ကောင်းထက်လင်းကို စကားလာထိုင်ပြောသော ကိုမြင့်ဆွေမိန်းမ ကို အကြောင်း စုံပြောပြ လိုက် သည်။

'အဲဒါ ခင်ဗျား လူကြီးတရားခံဗျ'

'ဟုတ်ပါရဲ့ကိုလင်းရယ်၊ ဆိုင်းဘုတ်ချိတ်မထားရင် ဆရာဝန်ပင့်လာမှာ မဟုတ်ဘူး၊ ကိုလင်းပုံ ကလည်း ဆရာ ၀န်လို့ ပြောရင်ယုံ လောက်တာကိုး၊ ဟုတ်တယ်၊ ရှင့်လူကြီးကိုကောင်းကောင်း ကောပစ်လိုက်'

ကိုမြင့်ဆွေ မိန်းမကလည်း မြှောက်ပေးသည်။ ဆယ့်ငါးမိနစ် ကျော်လောက်ကြာသော အခါ ကိုမြင့်ဆွေ ပြန်ရောက်လာသည်။

'ဟုတ်တယ် ကိုလင်းရေ၊ မနက်လေးနာရီလောက်က ချောင်းကွေ့ ဥက္ကဌ ဦးလှမောင်ကြီးတို့ လာတိုင် သွားတာတဲ့၊ ကောင်မလေး နာမည်က နွယ်နွယ်ဝင်းတဲ့၊ ဒါထက်ကိုလင်း က ဘာလို့ သိနေတာလဲ'

'ရှင့်ကြောင့်ပေါ့'

'ဟ ..မိန်းမကလဲ၊ ငါနဲ့ ဘာဆိုင်လို့လဲ'

ကောင်းထက်လင်း နောက်တကြိမ် ရှင်းရပြန်သည်။

'ဒီလိုလား .............ဟားဟာ.....ဟား.....ဟား'

မျက်စိနှစ်လုံးပိတ်သွားအောင် ကိုမြင်ဆွေ သဘောကျစွာရယ်တော့သည်။

'ကိုယ်က ဒီလောက်အထိဖြစ်မယ် မှန်းမသိလို့ပါ'

'ကောင်မလေးကို တွေ့ပြီလား'

'မထူးသေးဘူးကိုလင်း၊ ကိုယ့်ဆီက ချာတိတ်နှစ်ကောင် ကိုချောင်းရိုးတလျောက်လွှတ်ထား တယ်၊ တခြားနေရာ တွေလဲ လိုက်ခိုင်း ထားတယ်၊ စိတ်ချပါ ကိုလင်းအမှုဆိုတော့ ကိုယ်လွှဲယူ လိုက်မယ်ပြောထားတယ်'

'ကောင်မလေး ကချောလား'

ကိုမြင့်ဆွေ မိန်းမက ၀င်မေးသည်။

'သနားကမားလေးပါပဲ'

ညတုန်းက မောင်မောင်ထွေး ကောင်းထက်လင်းကို နွယ်နွယ်ဝင်း ဓါတ်ပုံပြသည်။နှာတံပေါ်ပေါ် မျက်လုံး မျက်ခုံးကောင်းကောင်း နှင့်ကြည့်ကောင်းသော မိန်းကလေး တယောက်ပင်ဖြစ် ပါသည်။ အိမ်နီးနားချင်းများ နှင့်လည်းသင့်တင့်ပြီး ခင်ခင်မင်မင် ရှိသည်၊ မလိုမုန်းထားသူ မရှိနိုင်ဟု လည်း ကျေးရွာလူကြီးက အခိုင်အမာ ဆို၏။

'ကျွန်မတော့ ကောင်လေးကို မသင်္ကာဘူး၊ ကိုလင်းက လူရိပ်တွေ့တယ် ဆိုလို့သာ'

မိန်းမလုပ်သူ၏ မှတ်ချက်ကို ကိုမြင့်ဆွေက လက်မခံပါ။

'မဖြစ်နိုင်ပါဘူးကွာ၊ နေ့စေ့လစေ့ နဲ့ မွေးလုလု မိန်းမကို ဘယ်ယောက်ျားက အန္တရယ်ပေး မှာလဲ၊ ဒီလိုစိတ်သာ ပေါက်ရတန်းဆိုရင် ငါမင်းကို နှစ်ခါလောက် သတ်ပြီးနေပြီ'

'ရှင်နော် ကိုလင်း ရှိနေလို့ မရှိလို့ကတော့ ကျွန်မအကြောင်း ပြလိုက်မယ်'

'နောက်တာပါ မိန်းမရယ်၊ ငါဘယ်လုပ်ရက်ပါ့မလဲ၊ ကဲ ကိုလင်း ကိုယ်အခု ချောင်းကွေ့ကို သွားမလို့ သတင်း မေးလိုက်ဦးမလား'

အခြေအနေ သိချင်သဖြင့် ကောင်းထက်လင်းလိုက်သွားသည်။ ကိုမြင့်ဆွေ မောင်းသော ဂျစ်ကားဖြင့် သွားကြ သည်။ ကိုမြင့်ဆွေ တပည့် သုံးလေးယောက်လည်းပါလာ၏။အိမ်ပေါ် မှာ စကားပြောဖို့ မတက်ခင် ကိုမြင့်ဆွေက သူ့တပည့်တွေကို ခြံဝင်းအတွင်းသေသေချာချာ လိုက်စစ်ဆေးခိုင်းသည်။

'မြေကြီးတွေဘာတွေတူးဆွထားတာ ခြေရာလက်ရာ ပျက်တာ တွေ့ရင် ငါ့ကိုလာပြော'

ကိုမြင့်ဆွေ အပြုအမူကို ကောင်းထက်လင်း စိတ်ဝင်စားသွားသည်။

'ဘာဖြစ်လို့လဲ ကိုမြင့်ဆွေ'

'မှတ်ထား လူပျိုကြီး၊ တခါတလေ မိန်းမတွေ ပြောတာလုပ်ကြည့်ရင် အကျိုးရှိတတ်တယ်ဗျ'

'ဒါပေမယ့် မောင်မောင်ထွေး အဲဒီလို အချိန်မရပါဘူးဗျာ၊ ကွှန်တော် တို့ရောက်တော့ ကလေးက အချင်းတန်း လန်းနဲ့ လောလော လတ်လတ်ကြီး'

'လိုလိုမယ်မယ်ပေါ့ကိုလင်းရယ်၊ လာအပေါ်တက်ကြရအောင်'

ကောင်းထက်လင်းပြန်ရောက်လာခြင်းကို အားလုံးအံ့သြနေကြသည်။ ရဲအရာ ရှိတယောက် လည်း ပါလာသဖြင့် ပျာပျာသလဲကြိုဆိုကြ၏။ အိမ်ပေါ်မှာ နေရာယူပြီးနောက် ကိုမြင့်ဆွေ လုပ်ငန်းစသည်။ မောင်မောင်ထွေးကို သိလိုတာတွေမေး၏။ ရောက်နေသော အိမ်နီးချင်း တွေကိုလည်းမေးသည်။ ပြောပြချက်တွေ အားလုံးကိုလည်း မှတ်စု စာအုပ်ဖြင့်ရေးမှတ်ထား၏။ နောက်ဆုံးကောင်းထက်လင်းကိုပါ မေးသည်။ မနက်က သူ့ အိမ်မှာပြောပြပြီး ဖြစ်သော်လည်း သက်သေတယောက်ဖြစ်နေသော ကောင်းထက်လင်းကို တရားဝင်မေးခြင်း ဖြစ်ဟန်တူသည်။ သူမေးလိုရာ မေးပြီးနောက် ကိုမြင့်ဆွေ ထိုင်ရာမှ ထလိုက်သည်။

'ကဲ ...ညီလေး၊ အကိုတို့လဲ အတတ်နိုင်ဆုံးကြိုးစားပေမယ်၊ မင်းတို့ဖက်ကလဲ တခုခုထူးခြား ရင် ချက်ချင်း လာပြော ဟုတ်လား'

ထို့နောက် ကောင်းထက်လင်းဖက်လှည့်ပြီး

'ကိုလင်း နေခဲ့ ဦးမလား'

'ပြန်လိုက်ခဲ့မယ်လေ'

ကိုမြင့်ဆွေက ပြန်အထွက်မှာ နောက်ဖေး ထွက်ပေါက်ကိုသွားကြည့်သေး၏။

'ကျွန်တော် တို့တက်လာတော့ ဒီတံခါးက ပွင့်နေတယ်'

'သေချာပါတယ်၊ ဒီကပဲ ထွက်သွားတာ၊ လာဗျာ ချောင်းဖက်ကို သွားရအောင်'

ညတုန်းကသေသေချာချာ မမြင်ခဲ့ရသော ချောင်းကို အခုမှ ကောင်းထက်လင်း မြင်ရသည်။ သိပ်မကျယ် သော် လည်း ရေစီးသန်၏။

'မိုးတိတ်ပေမယ့် တောင်ကျရေတွေက ရှိတုန်းပဲလေ'

ကောင်းထက်လင်း၏ အတွေးကို သိနေသလို ကိုမြင့်ဆွေလှည့်ပြောသည်။

'ညတုန်းကဆို ဒီထက်ပိုစီးတာပေါ့၊ တဝေါဝေါနဲ့ ဆူနေတာပဲ'

အတူလိုက်ပါလာသော အိမ်နီးချင်းတယောက်က ၀င်ထောက်သည်။ ကိုမြင့်ဆွေက သူ့လူတွေ ခေါ်ပြီး အိမ် နောက် ဖေးကနေ ချောင်းဆီလာရာလမ်းကို တစုံတရာ ထူးခြားမှု ရလိုရငြား ရှာခိုင်းသည်။ မြက်ပင်ခြုံပင်တွေကြားမှ မိန်းမစီးဖိနပ်လေး တဖက်ရသည်။

'အဲဒါ မိနွယ်ဖိနပ်'

တုန်ရီအက်ကွဲသော အသံဖြင့်မောင်မောင်ထွေးပြောလိုက်သည်။ အားလုံးအိမ်ဖက်သို့ ပြန် လာကြရင်း တံခါးဝက ခြေနင်းခုံ လေးဘေးမှာ ကျန်ဖိနပ်တဖက်ကို တွေ့၏။ကိုမြင့်ဆွေ ကတော့ ခေါင်းတငြိမ့်ငြိမ့် လုပ်နေသည်။ ဘာမှ တော့ မှတ်ချက်မပေး။

'ချောင်းထဲပါသွားတာ သေချာသလောက်ဖြစ်နေပြီဗျ'

အပြန် ကားပေါ်မှာ မောင်မောင်ထွေးဆီက တောင်းယူလာသော နွယ်နွယ်ဝင်း၏ ဓါတ်ပုံလေး ကိုကြည့်ရင်း ကိုမြင့်ဆွေ ပြောသည်။အပြန်မှာ ကိုမြင့်ဆွေကကားကို  သူကိုယ်တိုင်မမောင်းဘဲ သူ့လူတယောက်ကို မောင်း ခိုင်းသည်။

'ချောင်းဖက်ကို အလန့်တကြားပြေးတဲ့ သဘောပဲ၊ ဘာကြောင့်ဆိုတာ တော့ မတွေးတတ်ဘူး'

'ခင်ဗျားဘယ်လိုတွေးလဲ ကိုမြင့်ဆွေ'

'ကိုလင်းပြောပုံအရဆိုရင် မောင်မောင်ထွေးချော်လဲတဲ့ အချိန်မှာ အိမ်ရှေ့ခန်းမှာ ကောင်မ လေး ရှိနေ နိုင် သေးတယ်၊ ပြီးတော့မှ ပြေးတာ၊ အလန့်တကြားနဲ့ ဆိုတော့ ဖိနပ်တဖက်ပဲ စွပ်သွား နိုင်တယ်၊ လမ်းကျတော့မှ ပါသွားတဲ့ တဖက်ပါချွတ်ပစ်ခဲ့တာ'

ကားထဲမှာ အသံတိတ်သွားသည်။ ကားပေါ်ပါလာသူအားလုံး အတွေးထဲနစ်နေကြသည်။ ခန နေတော့ ကိုမြင့် ဆွေက ရုတ်တရက်ထပြီး ကောင်းထက်လင်း ပေါင်ကို ဖျန်းကနဲ ရိုတ်လိုက် သည်။

'ဘာတုန်းဗျ လန့်လိုက်တာ'

'ကောင်မလေး ဘာလို့ပြေးတာသိပြီဗျ'

'ဘာဖြစ်လို့လဲ'

'သူ့ယောက်ျား ကိုမြင်လို့ ပြေးတာ မဟုတ်ဘူး၊ ကိုလင်းကိုမြင်လို့ ပြေးတာဖြစ်မယ်'

'ပေါက်ပေါက်ရှာရှာဗျာ၊ ကျွန်တော်က ကောင်မလေးကို မြင်တောင်မြင်ဖူးတာ မဟုတ်ဘူး'

'နောက်တာပါ ကိုလင်းရာ၊ ကိုရီးယားမှာ မင်းသားသွားလုပ်လို့ရတဲ့ ရုပ်ရည်ကို ဘယ်ကောင်မလေးကလန့်မှာလဲ'

'ဟုတ်ပြီဗျာ၊ ဒါဆိုလဲ နေ့လည်စာ ကျွေးမယ်၊ '

'ဒါဆိုလဲ အိမ်က မိန်းမကိုပါ ဒီအတိုင်း ပြောခိုင်းရမယ်၊ ဟဲ...ဟဲ'

ကိုမြင့်ဆွေ နှင့် နေလည်စာ စားဖို့ ချိန်းဆိုပြီး ကောင်းထက်လင်း အိမ်ပြန်လာခဲ့သည်။ အိမ်မှာ ဖတ်စရာ ရှိတာ ဖတ်ရေးစရာ ရှိတာ ရေးလုပ်နေသ်ာလည်း မောင်မောင်ထွေးတို့ မိသားစု အ ကြောင်း ခေါင်းထဲ ရောက်ရောက် လာ ခြင်းကြောင့် အလုပ်မတွင်ပါ။

နောက်သုံးလေးရက်လည်း ထိုအတိုင်းပင် စိတ်သိပ်မရွှင်။ ပျောက်ဆုံးသွားသော နွယ်နွယ်ဝင်း နှင့်ပတ်သက်ပြီး ဘာမှ လည်း ထပ်မကြားရ၏ ညနေညနေ ဆိုလျင် ကားမောင်းပြီး ကောင်း ထက်လင်း သတင်းမေးဖို့ နေ့တိုင်း ရောက်သည်။ မောင်မောင်ထွေးလည်း စိတ်ထောင်း ကိုယ်ကျေဖြစ်ပြီး လူရုပ်မပေါ်တော့ပါ။ ခရီးလွန်နေသော မိခင်ပြန်ရောက်လာလို့ သာ သူ့အ တွက် နည်းနည်းခံသာ၏။

တပတ်ကျော်သည့် တိုင်အောင် အခြေအနေမထူးခြားပါ။ အားလုံးမ၀ံ့မရဲ ယူဆထားကြသလို ချောင်းရေထဲမျောပါ သွား သည် ဆိုရအောင်ကလည်း အောက်ဖက်ဘယ်နေရာကမှ မိန်းမ အလောင်းတခု မျောပါလာကြောင်းသတင်း မကြားရ။

သို့သော် မောင်မောင်ထွေး၏ မိခင်ဖြစ်သူ ဒေါ်ခင်စိန်ကတော့ ချွေးမဖြစ်သူ သေဆုံးသွားပြီဟု အခိုင်အမာ ဆို သည်။  အနီးအနားတ၀ိုက် တွင်လည်း နွယ်နွယ်ဝင်းကို ရိုးတိုးရိတ်တိတ် မြင်ကြရသယောင်ယောင် သတင်းတွေ လည်း ထွက်လာ၏။ အဆုံးအဖြတ် မစောဖို့ ကောင်းထက်လင်းက ဒေါ်ခင်စိန်ကို အကြံပေးသော အခါ

“ဆရာလေးရယ်၊ အဒေါ် နတ်မေးပြီးပါပြီ၊ ဆိုင်ရာ ပိုင်ရာ ဆရာတွေနဲ့ လည်း စစ်ဆေး ပြီးသွားပြီ။ မိနွယ် ဒီလော က မှာ မရှိတော့ပါဘူး”

ကောင်းထက်လင်း ခေါင်းကုပ်ရုံ အပြင်ဘာမှ မတတ်နိုင်တော့။ အတင်းဖျောင်းဖျရအောင် ကလည်း သူတို့ နှင့် ကောင်းထက်လင်းက ခုမှသိကြသူတွေ။ မောင်မောင်ထွေးကို ကူညီရာမှတနွယ်ငင်တစင်ပါပြီး ဒီအကြောင်းတွေ နှင့်ပတ်သက်ရသည်ဆိုတော့ ဆန့်ကျင်ပြီးပြောမနေတော့ပါ။ မောင်မောင်ထွေးကတော့ ချိုသည်ခါးသည် တခွန်း မှ ဝေဖန်ချက်မပေး။ အနီးတ၀ိုက်တွင် တွေ့လိုတွေ့ငြား လိုက်ကြည့်သည်။ ဒီလိုမှ မဟုတ်လျှင် သူ့သမီးလေး နားမှာ ပဲ နေနေတတ်၏။ စကားလည်း အလွန်နည်းနေသည်။

“ညက မိနွယ်ကို အိပ်မက်မက်တယ်၊ သူသွားပါရစေတော့ အမေတဲ့”

တရက်မှာတော့ ဒီလိုပြောပြီးဒေါ်ခင်စိန် က ရက်လည်ဆွမ်းကျွေးဖို့ပြင်တော့သည်။ မသွားဘူးဆုံးဖြတ်လိုက် သေးသော်လည်း နောက်မှ စိတ်ပြောင်းပြီး ကောင်းထက်လင်း ကိုမြင့်ဆွေ နှင့်အတူ ဆွမ်းကျွေးသို့ သွားသည်။ မကြာခင် ကောင်းထက်လင်း လည်းပြန်ရတော့ မည်ဖြစ်၍နှုတ်ဆက်ချင်တာကြောင့်လည်းပါသည်။

မပြန်ခင်တရက်မှာတော့ ကလေး အတွက် လိုအပ်သော နို့မှုန့် ၊ အနှီးပိတ် စသည်များ ၀ယ်ပြီးသွားပို့ရင်း မောင်မောင် ထွေးတို့သားအမိ၊ သားအဖ တွေကို နှုတ်ဆက်သည်။ ဒေါ်ခင်စိန့် ရင်ခွင်မှာ အိပ်ပျော်နေသော ကလေးငယ်ကို ကြည့်ပြီး ကောင်းထက်လင်း စိတ်မချမ်းမြေ့ရပါ။ ကလေး ငယ်၏ မိခင် အကြောင်းတစုံတရာ တိုက်ဆိုင်ရင်ဖြင့် ဘေးမသီရန်မခ ပြန်လာနိုင်ပါစေကြောင်းသာကြိတ်ပြီးဆုတောင်း ပေးခဲ့ရသည်။

“ကိုယ် အမှုကိုတော့ မပိတ်သေးဘူး၊ တတ်နိုင်သမျှ တော့ လုပ်ကြည့်ပါဦးမယ်”

ကောင်းထက်လင်း ပြန်မည့်နေ့က လာနှုတ်ဆက်ရင်း ကိုမြင့်ဆွေကလည်း အားပေးသည်။ကိုမြင့်ဆွေတို့ မိသား စုကို လက်ပြနှုတ်ဆက်ပြီးကားကို မောင်းလာရာ မြို့ အထွက်ကျော် ကျော်လေး တွင် နွယ်နွယ်ဝင်း ဆင်းခဲ့သည် ဟုဆိုနိုင်သော ချောင်းကို ဖြတ်ရ၏။ မိုးသည်းနေ့တွေ ကျော်ခဲ့ပြီဖြစ်ရာ ချောင်းရေက တံတားအောက်တွင် တ ငြိမ့်ငြိမ့် အသာအရာစီး ဆင်းနေလေသည်။

Xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

အပိုင်း (ဂ)

အစိမ်းရောင်ရင့်ရင့် ဂျစ်ကားကလေးက သစ်ပင်ကြီးတပင်၏ အရိပ်အောက်သို့ တိုးဝင်ရပ်နားလိုက်သည်။ သစ် ပင် ၏ တဖက်လမ်းဘေး လဘက်ရည်ဆိုင် ထဲတွင်ဂျာနယ် တစောင်ထိုင်ဖတ်နေသည့် လူငယ်တယောက် က ဂျစ်ကားကို မြင်လိုက်သော အခါ သူ့ဘေးတွင်ထိုင်နေသူ နောက်တယောက်ကို လက်နှင့် ကုပ်လိုက်ရင်း

“ဟို မှာ ဦးကျော်ဒင်ကြီး”

“ဟုတ်တယ်ဟ၊ ဒါဆို ဘေးက သူ့မိန်းမဖြစ်မယ်၊ ဟေ့ကောင်တွေ ….”

နောက်မှ မြင်သူ လူငယ်က မလှမ်းမကမ်း ၀ိုင်းတွင် ကျားထိုးနေသော လူတအုပ်ကို လှမ်း အသံ ပြုလိုက်သည်။

“ဘာလဲကွ”

“ဒီဖက်ကို မြန်မြန်လာ ဟိုမှာ ဦးကျော်ဒင်ကြီး သူ့မိန်းမ ပါလာတယ်”

“ဟုတ်လား”

ကျားထိုးနေသူ နှစ်ယောက်ရော ၀ိုင်းကြည့်နေကြသူတွေပါ ဒရောသောပါး ပြေးလာကြသည်။ ဂျစ်ကားပေါ်မှ ဦးကျော်ဒင်ဆိုသူ အသားလတ်လတ် တုတ်တုတ်ခိုင်ခိုင် နှင့် အသက်ငါးဆယ် ကျော် ခန့်ရှိသူတယောက် ဆင်းလာပြီး တဖက်ခြမ်းမှ မိန်းမတယောက် က ဦးကျော်ဒင် ရှိရာဖက်သို့ လျှောက်လာသည်။

ခြင်းတောင်းလေးဆွဲပြီး ဦးကျော်ဒင်နားသို့ရောက်လာသော အမျိုးသမီးကိုမြင်သောအခါ လဘက် ရည် ဆိုင်ထဲက ကြည့်နေသူတွေပါးစပ် အဟောင်းသားဖြစ်သွားသည်။

“အားပါးပါး”

“ရှယ်ကြီးဟ”

“အကိတ်ကြီးကွာ”

အားရပါးရ ထောပနာပြုသံတွေ သူတို့ပါးစပ်က ထွက်ကျလာကြသည်။ အမျိုးသမီးက အသက်သုံးဆယ် ကျော် လောက် ရှိ မည်။ အရပ်အမောင်းက ဦးကျော်ဒင် နီးပါး မြင့်မားပြီး လုံးကြီးပေါက် လှ မိန်းမချော တယောက်ဖြစ် သည်။ ရုပ်ရည်ထက် သူမ၏ ဖွံ့ထွားလှပ သောကိုယ်နေဟန်ထားက ထင်ထင်လင်းလင်း ပေါ်နေသည်။ ယောက်ျား သားတို့ တပ်မက်ကြရာ ဖြစ်သော ပေါင်တံ၊ တင်နှင့် ရင်သားတို့ဖွဲ့စည်းပုံက အနှစ်အသား ပြည့်  လွန်းလှသည်။

“သတ္တိခဲမကြီး၊ သူရဲကောင်းမကြီး၊ လေးစားတယ်ဗျာ”

ခပ်နောက်နောက် နေတတ်ပုံရသော ကောင်လေးတယောက်က တရုပ်လူမျိုးများ လုပ်သလိုလက်နှစ်ဖက် ကို ဆုပ်၍ ဂါရ၀ လှမ်းပြုသည်။

“ကျွန်တော်တော့ မမ အတွက်ရင်လေး မိပါတယ်ဗျာ”

နောက်တယောက်ကလည်း ရင်ဘတ်ကို ထုရင်းဆို၏။

“ဒီလူကြီး ရှာတတ်လိုက်တာ၊ ငါတော့ မနာလိုဘူးကွာ”

တယောက်တပေါက်ပြောသံတွေ ကို ဟိုစုံတွဲကြားရင်ဖြင့် ဘယ်လိုနေကြမည် မသိပါ။ အခုတော့ မကြားကြသည့် အတွက် လမ်းကိုကူးပြီး တဖက်မှာ ရှိသည့် ဈေး အတွင်းသို့ အေးအေး လူလူ ၀င်သွားကြသည်။

“ဒီအတိုင်း ဆိုရင်တော့ ဒီအမကြီး မလွယ်ဘူး၊ လူတွေပြောကြတာကဟုတ်ကောဟုတ်ရဲ့ လားကွာ”

တယောက်က တွေးတွေးဆဆ ဖြင့် ဆိုသည်။

“ဟုတ်ပါတယ်ကွာ၊ ဟိုတယောက်ကွာ စင်တင်မှာ ဆိုဖူးတယ်ဆိုတဲ့ ကောင်မလေးက ဇာနည့်ကိုသေသေ ချာချာ ပြောလိုက်တာ”

“ဘယ်ဇာနည်လဲ”

“အရှေ့ ပိုင်းကကွာ၊ နားကို တဖက်ငါးပေါက် ဖေါက်ထားတဲ့ ကောင်”

“သိပြီ၊ သိပြီ သူ့ အကို ဒီတီ နဲ့ ကွမ်းယာဆိုင် ၀င်ကျုံးတဲ့ ကောင်မဟုတ်လား”

“အင်း ကောင်မလေး ပြောတာ မယုံလို့ ဇာနည်က ဓါတ်မီးနဲ့ တောင်ထိုးကြည့်ခဲ့ သေးတယ်၊တကယ်ကို ကွဲနေ တာ တဲ့၊ ကောင်မလေး တပတ်လောက် လမ်းကြောင်း မလျှောက် နိုင်ဘူးဖြစ်သွားတယ်”

သူတို့ မြို့က လူတယောက်မဟုတ်လျှင် သူတို့ ဘာအကြောင်း ပြောနေသည်ကိုလည်း ကောင်း ဘာအတွက် ဦးကျော်ဒင် နှင့် သူ့မိန်းမ ကိုစိတ်ဝင်စား နေကြသည်ကိုလည်း ကောင်းနားလည်ရန်ခက်ပါမည်။

တကယ်တန်းဆိုလျှင် ဦးကျော်ဒင်လည်း ဒီအရပ်သားမဟုတ်ပါ။ ရောက်လာပြီး အခြေချ သည်မှာ အခုပြောနေကြ သည့် လူငယ်လေးများ၏ တသက်ခန့် ရှိနေ၍ ဒီမြို့သား လိုဖြစ်နေပါပြီ။ ဦးကျော်ဒင်က မြို့စွန်တွင် ခြံကျယ်ကြီး တခြံ ပိုင်ပြီးတပည့်လက်သား တွေ နှင့် စိုက်ပျိုးရေး မွေးမြူ ရေးတွေလုပ်သည်။ လူ့ကန့်လန့်လူ့ဂွစာ ဟု သမုတ် သူက သမုတ်ကြသော်လည်း လုပ်ငန်းကတော့ အတော်အောင်မြင်၏။ ပြည့်ပြည့်စုံစုံ ချမ်းချမ်းသာသာ နေနိုင် သည်။

အရင်က ဦးကျော်ဒင်ကို လူငယ်တွေ စိတ်ဝင်စားစရာ အကြောင်း မရှိခဲ့ သော်လည်း ဦးကျော်ဒင်၏ ဇနီးသည် နှလုံးရော ဂါ ဖြင့်ကွယ်လွန် ပြီးနောက်တွင် လူငယ်တွေ စိတ်ဝင်စားဖို့ ဖြစ်လာ၏။ ဇနီးသည် မရှိသည့်နောက် သန်တုန်းမြန်တုန်း ရှိသေးသည့် ဦးကျော်ဒင်က သူ၏ အလို ဆန္ဒ ကို ကြေးကြီး မိန်းကလေးတွေ ဖြင့်ဖြည့်ဆည်း ဖို့ကြံသည်။ ထိုအချိန် မှာပင် ဦးကျော်ဒင်နာမည် ကြီးဖို့ ဖြစ်လာ၏။

ဦးကျော်ဒင်၏ ယောက်ျားအင်္ဂါ အစိတ်အပိုင်းက အလွန်ပင်ကြီးမား ရှည်လျားလှသည်ဟုဆို သည်။ နဖူးတွေ့ ဒူး တွေ့ကြုံခဲ့ပြီး အခက်တွေ့ခဲ့ရသော မိန်းကလေးတယောက်က သူနှင့်ရင်းနှီးသည့် ဖေါက်သည်လူငယ် တ ယောက် ကို ပြောပြရာမှ ထိုသတင်း တဖြည်းဖြည်း ပျံ့ပွားသွားရသည်။ လူငယ်တွေကလည်း ဒါမျိုးဆို စိတ်ဝင်စား တတ်သည်မဟုတ်ပါလား။

အစပိုင်း က ကောလဟာလအနေ နှင့်သာ ရှိခဲ့သော်လည်း တဖြည်းဖြည်းခိုင်လုံလာသည်။ အတွေ့အကြုံရင့် ကြေးစား များသည်ပင် ဦးကျော်ဒင် ဆီ နောက်တခါ မလိုက်ဝံ့သည်များရှိလာသော အခါ ဦးကျော်ဒင်၏ ပစ္စည်း အကြောင်း က တရားဝင် အမှန်ဖြစ်လာသည်။ နောက်ပိုင်းတွင် ဦးကျော်ဒင်ကလည်း ဒီမြို့ မှာ မကျက်စားတော့။ ဂျစ်ကားလေးတစီး ဖြင့် ဟိုမြို့ဒီမြို့လျှောက်သွားရင်း သာကဲတော့သည်။

လွန်ခဲ့သော ရက်ပိုင်းကမှ ဦးကျော်ဒင် ခရီးထွက်ရာက အပြန် မိန်းမတယောက်ကို လက်ထပ်ပြီးခေါ်လာကြောင်း ခြံအလုပ်သမားတွေကတဆင့် သိကြရသော အခါ လူငယ်တွေက ဦးကျော်ဒင် ၏ နောက်မိန်းမကို စိတ်ဝင်တစား ရှိကြသည်။ ဦးကျော်ဒင်၏ ပစ္စည်းကို မကြောက်မရွံ့ နှင့်ဦးကျော်ဒင်ကို လက်ထပ်ရဲသော မိန်းမသည် ဘယ်လိုမျိုး လဲဟု သိလိုကြသည်။ အခုလက် တွေ့ မြင်ကြရသော အခါ တောင့်တောင့်ဖြောင့်ဖြောင့် မိန်းမချောတယောက် ဖြစ်နေ ၍ လဘက်ရည် ဆိုင်ထဲမှ နေပြီးရင်ထု မနာ ဖြစ်နေကြရသည်။

“အဓိက ကတော့ ပိုက်ဆံပဲကွ၊ ရေသာ ရှိလို့ကတော့ မိန်းမတွေက သေချင်သေ ခံမှာပဲ”

ကျားဝိုင်း တွင်ပြန်ထိုင်ရင်း တယောက်က မှတ်ချက်ချသည်။ မပြီးသေးသော ကျားပွဲကို ပြန်ဆက်ကြသော်လည်း ဘယ်သူမှ စိတ်မပါကြတော့ပါ။ ဈေးဝင်ပေါက် ဖက်ကို ခေါင်းတမျှော်မျှော် နှင့်လုပ်နေကြသည်။

“လာပြီ၊ လာပြီ”

လမ်းဘေး နားဝိုင်းမှ အသံထွကလာသော အခါ အားလုံးသွားကြည့်မိကြပြန်ပါသည်။

“ငါတော့ တကယ် နှမျောတယ်ကွာ”

ဦးကျော်ဒင်နှင့်တွဲ လာသော အမျိုးသမီးကို ကြည့်ရင်း တယောက်ကဆို၏။

“အေးနော်၊ အိစက် နေမှာပဲ၊ ငါတော့ နေရာချင်းသာလဲ လိုက်ချင်တယ်”

“ဦးကျော်ဒင် ဟာကြီး တွေ့ပြီးမှတော့ မင်းပစ္စည်းလက်သန်းလောက်ကို လှည့်ကြည့်တော့ မလားကွ၊ မောင်လေး ရယ် ခေါင်းသာထိုးထည့် လိုက်ပါလို့ ပြောမှာပေါ့”

ဝါးကနဲ ရယ်သံတွေ ဆူသွားသည်။ ရယ်သံတွေကို ကြားလိုက်ရသော ဦးကျော်ဒင်က မျက်မှောင်ကုပ်ပြီး လဘက် ရည် ဆိုင်ဖက်ကို လှမ်းကြည့်သည်။ အမျိုးသမီးကတော့ ဘာမှ မသိသလိုပင် မျက်လွှာချထား၏။

သူ့ကို လှောင်နေကြသည်ဟု ထင်သွားပုံရသော ဦးကျော်ဒင်က ကားကို အရှိန်ပြင်းပြင်းနှင့် ဆောင့်ကြီး အောင့် ကြီးမောင်းသွားရာ လဘက်ရည်ဆိုင်ရှေ့ မှာသစ်ရွက်ကြွေတွေ အမှိုက် တွေ ပလူပျံဝဲလို့ ကျန်ရစ်ခဲ့လေ တော့၏။

Xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx